我係連情人節都唔介意去食火鍋嘅人，最鍾意搵啲靚火鍋，湯底足料、食材新鮮、款式獨特，如果連裝修同環境都靚嘅話，咁就啱晒我要求。 最近同班friendsss去咗一間高質嘅火鍋，我就覺得好值得推介，大家睇吓張相！淨係晾起啲安格斯肥牛呢個presentation已經攞晒分啦。 我哋點咗一品酸菜白肉鍋、蜂巢豆腐白湯鍋，前者好惹味，後者就係藥膳類，好養生，鍾意嘅話都幾正。 呢間旺角新開嘅火鍋撚，淨係牛嘅選擇都有9款，全部靚嘢，包括日本A4特級霜降和牛、手切肥牛、特級牛脷托、鮮牛共喉等，不過最驚喜係連大腸頭、生腸、田雞、豬膶、牛骨髓、牛筋、雞子... 呢啲都有。雖然我少食，但朋友大讚話好食㗎。 手打丸都好足料，有海味花枝丸、法式龍蝦爆漿牛丸、黑松露菌醬爆漿牛丸等，我哋encore 咗流心鹹蛋黃豬肉丸，呢個組合超獨特，濃郁嘅鹹蛋黃香氣，同豬肉好夾呀！ 同埋我要讚一讚店家好細心，喺每款食材上面加咗個精美嘅牌仔，寫明唔同嘅食材應該灼幾多秒，例如響鈴3秒、手切肥牛就8秒，咁樣就算唔係火鍋專家，都唔驚唔識灼而浪費咗咁正嘅食材。 我哋嗌到成枱滿晒，reorder咗3轉，人均消費4百幾，不過新張優惠有7折，即係每人$300咋，淨係講牛嘅質素已經超級抵！！！ 最後佢哋仲送咗腐竹糖水沙冰俾我哋做甜品，聽個名以為會怪怪哋，食落原來都幾好食，而且佢隻杯仲好古色古香，幾特別呀！ 火鍋撚  地址：旺角染布房街6號1樓 限定優惠！！ 現凡身份證號碼含「3」字或身份證姓名含「L」字，即可於1/7 - 15/7期間到任何一間火鍋撚分店享全單7折優惠。 *呢個優惠唔可以同其它優惠同時使用 其他分店： - 西環日富里554-560號皇后大道西地下1號舖 - 中環雲咸街46-48號雲明行3 樓   ＝＝＝＝＝＝＝＝＝＝ 如果喜歡我的分享，記得讚好我的Facebook專頁「Mrs Co:Lam 凱林家生活」，更快知道更多更好的有趣資訊。   Mrs Co:Lam 凱林家生活 Facebook:www.facebook.com/mrscolam Instagram:www.instagram.com/mrscolam Email: hello@mrscolam.com Website:www.mrscolam.com