《西餐の親子共食》 隨著2little慢慢長大，我煮既野可以多啲，亦少左好多規範，好多時已經跟住大人食，只係佢地個份一定係少油鹽糖調味，今日又有佢地最愛既兒童餐～ 。。蝦肉牛油果他他 。。鹽麴比目魚柳伴蘑菇燉藜麥飯 呢個冷盆佢地好鍾意呀，我都好鍾意，牛油果高纖、營養價值又高，不妨可以間中整下比小朋友，而家夏天，莫講話大人無胃口，小朋友都會，所以呢個小朋友版既牛油果他他就夠哂開胃啦！   《食譜》 材料： 熟牛油果 1個（數量視乎喜好，沒特定的） 急凍去殼蝦仁 5隻 熟蟹棒 3條 （撕成一條條） 沙律醬 1茶匙   調味： 檸檬汁 1茶匙 雜香草 適量   做法： 1）蝦仁解凍後焯熟，瀝乾水分後切小粒，加入調味拌勻。 2）牛油果切開並挖出果肉，切小粒或壓成蓉，加入沙律醬，擠入少許檸檬汁拌勻備用。 3）準備小碗，先加入蝦、然後牛油果、最後放入熟蟹棒，輕輕壓實，將小碟倒轉放上小碗，然後反轉倒扣出所有材料即成。 *可配芒果、或任意配搭自己喜歡的水果亦可     2little.notes日常 專頁：https://www.facebook.com/2littlenotes/ Instagram: https://instagram.com/2little.notes?igshid=y2vddn71gsbm