夏天熱辣辣，我自己都不斷想食雪糕降温，但出面個啲雪糕咁甜，點俾軒軒食丫（係丫無錯，軒軒22m我都未俾過雪糕佢食架），心血來潮決定試下自家製原來用生果整雪糕，其實都係好簡單架咋     材料： 芒果 鮮奶  係丫得兩樣材料架咋     Step： 1）切好芒果放入冰格雪過夜 2）第二日拎出黎用攪拌機攪成糊狀（建議先解凍一陣，會易攪啲） 3）攪拌中途再加鮮奶一齊攪 4）完全攪勻成糊，就可以倒番入盒放番冰格雪硬就得啦     初次整，我覺得口感似 雪葩多啲，下次試下再落多啲奶睇下會唔會再滑身啲似雪糕質感多啲先     #無添加防腐劑#無色素 #無額外糖#無淡忌廉#無煉奶#無蛋 #全天然新鮮水果製造     ＊ 由於無防腐劑， 所以需要盡快食用＊             產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily