為左做好準備生小豬麒;由28wks開始就做左好多資料搜集; 上網.YouTube.媽媽group……睇左好多吾同嘅資料 不過生完之後發現有d其實可帶可吾帶嘅;有d其實係好重要嘅~ 更新版走佬袋清單~ 首先準備好「走佬袋」->例如:背囊/旅行袋 （如果吾夠位就要2個袋） 媽媽用品: ☆身份證 ☆丈夫身份證副本（如果生B嘅時候;老公未趕得到泥） ☆產婦衛生巾*連扣->1包 ☆產婦衛生巾*粘貼->2包 （個人認為連扣準備一包就可以;因為主要都係岩岩生完比姑娘幫你用;之後都係覺得粘貼比較方便） ☆叉電器+叉電線（因為醫院嘅插頭係吾可以叉電;係醫院2-3日電話冇電;又冇叉電器;係會悶到暈嫁;加上冇電就冇得影底BB嘅可愛一面(๑•̀ᄇ•́)و ✧ ） ☆水泡（⭐順產嘅媽媽必須⭐生完之後如果冇水泡;真係坐又吾舒服;訓又吾舒服;有水泡真係舒服好多; 如果真係冇帶嘅可以叫屋企人去醫院樓下買「防痔瘡枕」;不過比較貴;90幾蚊一個; 第一日我係用坐月枕嘅;係比冇好少少嘅;不過個人覺得都係冇水泡錦舒服） ☆沖洗瓶（洗傷口用嘅;個人認為淨係用紙巾吾夠乾淨） ☆網褲->1包（6條） ☆內褲->3-4條（個人認為網褲冇咩安全感;所以加條底底;帶多2條整污糟左都有得替換） ☆胸圍->2-3個（痴乳墊用） ☆乳墊->6-8包（鍡母乳嘅媽媽更加需要;因為隨時都會分泌出母乳） ☆床墊->3-4張（岩岩生完醫院會提供一張比你;之後整污糟左就要自己替換） ☆拖鞋 ☆牙膏+牙刷+膠杯（雖然有人話坐月最好吾好刷牙;但係我覺得個人衞生問題;都係要刷嘅;用煮過嘅水就ok喇;因為你係醫院要自己照顧bb） ☆密碼鎖（因為醫院提供嘅櫃冇鎖;出入病房嘅人又好多;為左保障自己;記得將貴重財物鎖好） ☆紙巾*盒裝+卷裝->盒裝:2盒 卷裝:1卷（盒裝一盒岩岩生完姑娘會拎走;比BB用嘅;一盒可以放係床頭比自己用;卷裝可以去洗手間用） ☆炒米茶->3包 ☆保濕杯（可以用泥沖炒米茶） ☆保暖壺（因為醫院提供嘅保暖壺吾夠保温;過一陣就會凍;換水每日都淨係換3次;岩岩生完吾可以喝/用凍水;所以建議帶定個保暖壺去;姑娘換完熱水就倒落去） ☆薑沐浴乳（就算吾沖涼都可以去完洗手間洗手用） ☆袋囝（去洗手間嘅之前;可以裝沖洗瓶.衛生巾.紙巾……等要用嘅用品放曬入去） ☆梳+橡根（照顧bb嘅時候吾紮頭髮好吾方便） ☆膠袋->3-4個（裝垃圾用;吾洗次次都要行出去至可以丟垃圾） ☆S形掛勾->1-2個（可以掛住垃圾袋/袋囝） ☆護膚用品+保濕噴霧（個人認為生完bb再攰;保養都係好重要嘅;所以幾攰都好都吾可以偷懶 `(*∩_∩*)′） ☆毛巾->2-3條（洗面/抹身用;我重帶左幾粒即棄嘅壓縮毛巾;洗面用;雖然吾太環保;但係方便好多;吾洗搵地方晾乾） ☆濕紙巾->1包（用泥照顧bb之前抹乾淨對手） ☆口罩->2-3個（如果BB要去加護病房;要自備口罩至可以入去睇BB/出院嘅時候可以用） BB用品: ☆尿片->1包（岩岩生完姑娘要拎走;照顧BB用） ☆嬰兒濕紙巾->1包（岩岩生完姑娘要拎走;照顧BB用） ☆紗巾->6-8片（自己餵BB食奶用） ☆消毒搓手液（比泥探病摸bb之前用;雖然病房出面都有搓手液;不過好多人都會無視左佢） ☆BB棉花套裝*清潔棉/濕潔淨棉->每樣6-7張（可幫BB抹手抹面用） 出院用品:（準備定出院嘅時候叫屋企人拎去就ok喇） ☆媽媽嘅長就衫褲+帽（防止入風;所以就算係夏天要包到實一實） ☆BB手套+帽 ☆BB包被 個人認為可帶可吾帶嘅用品: ○束腹帶（因為當時我驚自己要「食全餐」;所以都帶埋去） ○羊脂膏（用泥保養乳頭嘅;不過帶左去都冇用過） ○BB護膚用品*潤膚膏/潤面霜/護臀膏（帶完去之後;姑娘話吾洗茶住;所以都冇茶過） ○袜子（為左防止入風;我係有著過嘅;不過實在太熱;所以最後都係除左;冬天生B嘅媽媽比較適合帶埋） ○披肩（病房嘅溫度都比較熱;可能係我個人問題;我個陣係熱到出汗;係落樓下病房睇小豬麒至有用） ○繃帶（屯門醫院比嘅走佬袋清單上面有寫要帶;不過我帶完去都冇用過） 希望而個清單可以對未執好走佬袋嘅媽媽's有少少幫助喇(*๓´╰╯`๓)♡ 歡迎Follow小麒Ma~養豬記錄: IG:https://www.instagram.com/lkeiminipig?r=nametag Facebook專頁:https://www.facebook.com/小麒豬成長記-103634774382993/ U Blog:https://blog.ulifestyle.com.hk/blogger/lkeiminipig/ MamiBuy香港媽咪幫:https://mamibuy.com.hk/home/17775 Esdlife:http://wow.esdlife.com/lkeiminipig 聯絡電郵: lkeiminipig@gmail.com