幫BB們搞半歲Party真係要搵個夠大嘅Partyroom ，因為每逢半歲一歲呢啲時候都比較多爸爸媽媽會抽空一同出席。奈何唔少Partyroom主要集中響旺角、觀塘區等等，對住響屯門元朗天水圍嘅媽媽黎講比較「唔就腳」，好在又俾我地搵到呢間Why Open Partyroom，安置我地50位大人同30位2018年11月BB。 呢間Partyroom位於屯門工廠區，距離屯門西鐵站只係5分鐘腳程，對於新界西嘅朋友超方便！ 一推門入去，媽媽們嘅嘩嘩聲可以話係一浪接浪，點解呢？唔多講，立即睇相！ 1 一入門有超長花花牆迎接我地，場地超大 2 打卡呃Like編織吊籃，連一寶爸都話要影返張相 3 場內有3間粉紅、粉綠、粉藍色嘅獨立房，我地將10多架BB車泊入房之餘，人奶媽媽要餵奶都可以入房餵。不過房內有CCTV，所以都要加返條餵奶巾 4 我覺得係為爸爸們而設嘅大梳化、唱K位、電動麻雀檯、街機、連飛標位都有！以往幾次活動我地都響屋苑會所進行，好多時爸爸們只能齋企、無野岩佢地玩之餘，媽媽們嘅話題佢地又答唔上咀，今次活動連班爸爸都玩得好開心，真係好呀！ 5 超級少女心粉紅波波池，仲有獨角獸公仔。我地發現BB們第一下落波波池都係會喊，可能因為未接觸過所以比較緊張，但當同佢地玩多一陣、又抬頭望下天花嘅波波燈，佢地適應左就變得好鍾意波波池啦 個背景仲有啲風呂feel，我地特別幫BB換套浴衣影下靚相留念 雖然做左媽媽，我地都依然好有童真架，成班媽媽帶住BB衝晒落池真係好壯觀 6 任影唔嬲Photo Booth真係恩物，呢班呀媽同BB影一張、加埋爸爸又影一張、幾位媽媽又影一張、換位企再影多張、成班人一齊更加要影多張。唔單止即影即有，仲可以揀唔同嘅構圖，print幾張細嘅又得，print一張大嘅亦得，得左！ Why Open 代訂嘅到會仲好好味、款式又多。我地有設計好叻嘅媽媽出手幫BB準備左生日牌仔插落mini cupcake，影相出黎嘅效果好得意呀！ Why Open Partyroom 原來成3,600呎，可以容納120人，仲有Boardgame、Switch、吹氣閃避棒、夾公仔機等等。場地飲品無限任飲，有約十款汽水及紙包飲品，仲有爆谷機可以現場即製。 今次嘅半歲Party真係好成功，BB們現得開心之餘就連爸爸媽媽都可以玩埋一份，而家睇返啲相都記得當日玩得有幾咁開心。希望屯門元朗天水圍可以有多啲又大又適合BB去嘅Partyroom啦！   歡迎聯絡作合作/試用/邀稿：chuiyiho@gmail.com／FB: Chuiyiho.chuiyi／ FB Page: www.facebook.com/Chuiyi80sMama ／IG: Chuiyiho