我之前成日都諗， 如果紫菜唔包飯糰，唔放湯， 仲可以點食！？ 然後我就嘗試做左呢款紫菜方塊， 最初用左雞柳肉同西蘭花做餡， 但因為較“鞋口”，味道又唔係好夾， 做極都覺得唔滿意， 又試過用南瓜豬肉， 但太糊太濕令到紫菜好易軟爛， 最後用左洋蔥粟米同三文魚柳， 終於口感同味道都好匹配， 一歲大小朋友已經可以食， 餸飯或做FingerFood小食都得。   《12M+幼兒食譜：芝麻粒魚蓉紫菜方塊》      材料（整到25～30小件）：   三文魚柳約130克 粟米一湯匙 洋蔥一片 芝麻粒一湯匙 紫菜兩包         做法：   1. 首先將紫菜剪成小方形     2. 把三文魚，粟米發洋蔥，放入攪拌器內攪成蓉， 食材及攪拌器事前都必需保持乾身，切勿水汪汪。     3. 取出魚蓉後，按自己喜歡， 落少許鹽或菇粉調味拌勻。         4. 取少量魚蓉，薄薄的塗上紫菜上， 切勿過厚。然後於面上灑上芝麻粒。       5. 平底鑊（建議用易潔鑊），掃上少許油， 油不用多因為三文魚充滿魚油， 加熱後轉最慢火，邊做魚蓉紫菜塊， 邊即時放入鑊中，魚蓉向下。 如果待塗完全部紫菜才一次放入， 紫菜會容易變軟。 因此以慢火用烘的方法來煎便可。     6. 用慢火烘方式來煎，不用翻轉， 約10～15分鐘，這樣不會把芝麻煎燶， 也可以令魚蓉全熟透，紫菜不會濕軟。         大家也可以做小朋友喜歡的食材來混合， 只要食材不易出水或太軟便可。 下次Bella媽會湯品， 有興趣記得留意我地facebook更新喇！！       《12M+食譜：芝麻粒魚蓉紫菜方塊》     ************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss