菠蘿包媽未生菠蘿包之前係到分享過， 尤醫生照結構個陣發現菠蘿包2個腎比一般bb漲。 我同老公真係好驚好擔心！ 幸好尤醫生話好多男bb都會有， 大部分都係出左世已經自已細番， 叫我地唔好咁擔心！（真係好難） 因為我做左nifty 係底風險， 唔會係唐寶寶， 寫左信比醫院幫我地跟進。 第一次醫院既醫生睇完無出聲幫我。。 之後我去產檢蘇醫生即幫我寫醫生信， 話一定要醫院跟進排期， 如果唔係出左世先再比佢地跟進要排好耐。 好好彩再去醫院產檢個醫生行幫我排期照結構。 到菠蘿包出左世，瑪嘉烈既護士即刻幫我入紙排期。 所以係菠蘿包一個月大左右就可以去照超星波睇下個腎既情況。 結果都係腎漲，醫生話三個月大要做一個造影x光檢查。 造影檢查當日喂左菠蘿包飲訓教藥之後， 等佢訓左護士就張枝針吉入尿道再放d造影劑入去， 去x光室睇係咪尿道塞左定係有倒流。   檢查前一日開始三日要食抗生素打底以免發炎， 菠蘿包都好合作乖乖食藥。    好心痛，寧願訓係到個個係我。 咁細個就要做呢d檢查。。  一邊喊一邊等。。。     照X光過程都好快手，照完上病房等菠蘿包醒番飲埋奶就可以走得！ 見到菠蘿包醒左都無喊好勇敢！ 反而我同菠蘿包婆婆喊到豬頭咁⋯⋯ 幾個禮拜後番去睇報告，醫生話一切正常無塞無倒流！ 6個月大再番黎照多次超星波！ 今次6個月大照完超星波再番去睇報告， 醫生話一邊腎已經收細番，一邊腎都係收細左，但仲係比較漲， 由於一邊既腎漲都係安全範圍，一歲再黎照過， 二邊都無事就可以唔洗再黎啦！ 希望到時一歲既時間個腎靚靚仔仔！！ 多謝瑪嘉烈既兒科醫生同護士真係好有愛心！ 多謝尤醫生幫我照結構因爲想照清楚個腎，幫我照左二個鐘！ 多謝蘇醫生產檢一直幫我睇實菠蘿包既腎漲情況！   歡迎合作～產品試用～～交流育兒心得️   Esdlife blog: http://wow.esdlife.com/space.php?uid=83855 Mamibuy blog: https://mamibuy.com.hk/home/12147/ Ig: http://instagram.com/hector.so.512 Facebook: http://www.facebook.com/HectorSo512 Email： kayyau@outlook.com