早前綿綿連續幾日都唔肯食魚及肉，真係有小小擔心佢唔夠營養。因為我係烹飪初哥，所以上網不段搵唔同食譜參考研究，再因應自已方法及食材改良去煮新菜式，我將食物改變小小形狀，比佢手仔揸住來食，可能綿綿感到好新奇，好有興趣，見佢食晒，我都好意外呀~ 我都係新手一名，希望互相交流，大家可以因應bb需要轉換其他食材去煮的， 如果有更好方法， 歡迎留言比我~ [紫菜蕃茄肉碎蒸蛋方塊飯] 食譜 * 如果對蛋白無敏感，適合10個月或以上bb食用 材料： - 寶寶百味胚芽米 - 雞蛋1隻 - 蕃茄 (切碎) - 豬肉 (切碎) - 寶寶百味有機紫菜 (剪碎) 煮法： 1) 預先將胚芽米煲好 2) 將雞蛋攪勻 3) 將蕃茄，肉碎，飯一齊放入蛋漿攪勻 4) 攪勻後，倒入一個可以入到蒸爐既 #方形餐盤 5) 放入蒸爐蒸20-30分鐘 (因為大家蒸既用具有別， 蛋要蒸得較實芯為佳，方便切粒及bb 用手拎住來食) 6) 蒸好後係上面放剪碎既紫菜 7) 切開一粒粒方塊形狀就可以上碟喇 因為你，我會再努力學習，希望你永遠都咁喜歡食媽媽煮既食物~ 歡迎隨時follow"綿綿媽媽"的足跡: https://www.mamibuy.com.hk/home/13092 https://wow.esdlife.com/sukimama http://mami.presslogic.com/author/suki/