沙律媽媽已經好耐無寫過blog，因為實在太忙太忙！ 5月底舊工人姐姐離職，奶奶番嚟湊沙律B 5星期，6月底新姐姐到！ 一星期2堂 PG，其間仲要 prepare 8月 PN 開學，真係忙到一個點！ 忙到連沙律媽媽 page 都無時間 manage，己被幾個熟客問我點解呢排少左團 :-) 宜家生活又開始丕正常番，又可以間唔時update下個 blog！ 最近又訂緊尿片，沙律媽媽順便update 尿片心德，純粹個人與用家意見！ 生沙律B 之前，沙律媽媽已j入左好多媽媽谷做CD-ROM，問尿片資料。 當時好多媽媽 都有自己嘅個人意見，但overall最多人話好用嘅就係Merries！ 當時沙律媽媽不停search Merries 用家嘅評價，又見到 Testingmama 測試都話好。 未生前勁睇Testingmama，都有跟佢介紹嘅野嚟買，但久而久之都唔會再跟！ 因為每個BB對唔同產品有唔同反應，除左不停試，我諗唔到其他方法！ 沙律媽媽之前幾篇都分享過床品，消耗品，包巾，奶樽奶咀，初嬰服飾等等！ 今次終於到左尿片！呢個 item 好重要，因為個個 BB 都會用到！ 加上坊間有 n 咁多個品牌，真係好難選擇。   以下就係沙律媽媽做嘅research:  1 - Huggies, Pampers, Goon, Merries – 2015年尿片測試特集 *更新於2017/10/27 2 - 產品測試】Goo.N、Huggies、Pampers、Merries – 2017紙尿片大比拼！ 3 - Moony, Fitti, Nepia – 2015年尿片測試特集 (二) 4 - 破解尿片吸水之謎 唔同牌子有冇分別？   兩年前做 research 果陣，只有第一條 link，宜家已經多左好多 links 俾大家參考。 由於當時未係用家，所以都跟左風，買左 Merries ！[用左一輪已轉其他牌子！] **加入 Merries membership，有 samples 送 >>>> 官網 >>>> Facebook 除左 Merries，仲有 Huggies，Babioniq，Pampers，Goo.N，Moony，Fitti 同埋 Sealer 全部都可以加入BB會，因為仍會定時定候會送 samples，可以根據BB皮膚而決定用咩牌子。 以上品牌沙律B 全部都用過曬，以下就係沙律媽媽嘅用後惑。 但不能一概而論，要視為BB皮膚情況！好用唔好用都係睇BB個人的！   1 - Huggies [用過 0碼 ，NB，S] 沙律B一出世已用左超多超多 Huggies 片片，尤其係0碼！ 剛出世嘅BB，好多都唔係即用 Merries NB [除非超肥B]，好多都係用 Huggies 0碼開始。 Huggies 0碼真係早產B恩物 [~8lbs]，沙律B用左11-12包 [200幾片]！ Huggies 0碼去藥房買最平，由HK$20-HK$26/包我都買過，每包20片。 其實都唔使太早買，因為 join 左 Huggies BB會 之後，會送買一送一卷同試用裝。 而且 BB 去到下一階段，Huggies 又會送 samples，又可以再試！ 初生b一日要換6-8條片，真係換得好密，所以好少出現 pat pat 紅嘅情況。 So far Huggies 都幾好用，但片片就比較厚，所以一有vivi，條片片就好重身。 另外，腰位，脾位同片芯比其他品牌窄。當BB仲係初生階段就無問題，大B唔太適合。 至於吸濕力，個人覺得Huggies 都做得幾好，回滲情況不太嚴重。   2 - Merries [用過NB，S，M，L] Merries 尿片分 NB [up to 5kg]，S [4-8kg]，M [6-11kg]，L [9-14kg]，XL [12-20kg]。 又有分外銷版，內銷版，唔同版本又有唔同片數，多到頭都大埋。 所以我從來唔用單價去計，要用片數去計，睇下邊款最超值！ 其實Merries 喺咁多款尿片當中最貴！所以我對佢有 expectation。 香港正貨就可以去一田，AEON，千色，超市，HKTVmall買。 日版就要去網店，或者嬰兒用品店買。價錢僧平少少，而且買滿某個量包送貨！勁方便！ 沙律媽媽第一包買嘅尿片就係Merries NB，無耐沙律B要成2-3個月先著到，因為BB比較大！ 但原來呢款片片有真有假的，但勁難分！ 可以參考花王尿片特賣場-Merries Diaper Market 1) 手感粗糙。真貨片片外層摸上手較粗糙，有手感;假貨反而十分光滑無紋。 2) 腰貼花對齊 >>> 真貨片片腰貼花紋可互相對齊。假貨有出入，不夠齊整！ 3) 包裝印刷 >>> 真貨印刷中無論圖案或顏色都十分清晰鮮明。假貨印刷圖案比較模糊，顏色也較淡！ 4) 壓花 >>> 真貨底部封口有壓花紋。假貨則光滑無紋！ 來源：花王尿片特賣場-Merries Diaper Market   頭頭用NB同S碼，真係分唔出好唔好用，因為一日都係換6條片。 再加上沙律B 皮膚不至於易紅，我開初都覺得幾好用。同埋好簿好輕。 脾位，腰位，片心都比 Huggies 闊好多，所以初生b 好難一出世就用到nb碼。 之後轉左 M 碼，沙律b 已經3個月左右，就開始覺得 Merries一般。 因為次次去完weewee或者 poopoo，個 pat pat 都勁紅。 有問朋友有無同樣問題出現，佢都話有，仲話佢開始同 Moony 反而無咁紅。 於是沙律媽媽就轉左Moony，Moony overall 仲平少少，沙律媽媽係網店買！   3 - Moony [用過M，L] 碼數同 Merries，GOO.N一樣，銷售點都係一樣，起初無打算，結果將會長用。 同 Merries，GOO.N 比較，佢overall 都細少少，腰間橡筋最有彈性。 吸水，回滲等等都幾好，但用完 pat pat 真係無咁紅，所以會 keep 住用。 除左普通款，佢仲有 natural organic 款，但再貴少少，同埋唔係周圍都有得賣。 用完，對於沙律B，Moony 真係最好，因為 pat pat 唔會紅得咁勁！ 直到宜家27-28個月，都仲用緊Moony片片加褲仔！ 由於沙律B是中細碼B，唔太肥，著Moony都fit，如果再肥少少， 又要轉番Merries！ 尿片就係咁，轉來轉去！ 4 - GOO.N [用過M，L] 碼數同 Merries 一樣，分 NB [up to 5kg]，S [4-8kg]，M [6-11kg]，L [9-14kg]，XL [12-20kg]。 但價錢同 Merries 相比就平好多，銷售點同 Merries 都係一樣！ 腰位，脾位比 Merries 仲大少少。同埋再簿身少少，所以一濕左，感覺好 "梅梅爛爛"。 因為佢再簿啲，所以外邊都 feel 到好似濕濕地，所以我真係唔太鐘意。 5 - Pamper [用過NB, S] 大家都非常熟悉，周圍都買到。有分好多種色，我用過白P，綠P，同 Ichiban。 但我自己就一包都未買過，全部都係用試用，同埋朋友送。 其實 Join 左 membership 已會定期寄 samples，同埋臨生前會送16片白P俾你試。 開初用左幾片NB白P，已經好憎，因為白P係網面，成日痴住 pat pat。 搞到紅曬，入邊好似唔係好吸水咁，所以已決定唔再用。 之後又有朋友送俾綠P，感覺好左好多，不再是網面，但對呢個牌子已無好感。 最近，佢出左款 Ichiban，俾左 samples 我試，真係好唔錯，拍得住 Merrie果啲。 由於我決定左用 Moony，都唔打算會用Ichiban，但真心覺得幾好！   6 - Babioniq，Fitti，Sealer 全部用試用，唔太清楚，因為只用過幾片，唔會有太多 comments。 但 Babioniq 可以喺荷花買到，都唔錯！   Merries VS GOO.N VS Moony VS Pampers Ichiban 價錢︰Merries [貴]< Pampers Ichiban < Moony < Goo.N [平] 厚簿︰全部都差唔多，但 Goo.N 最簿 吸水︰全部都差唔多，Pampers Ichiban  比想像中好好多 回滲︰Goo.N 最差 紅 Pat Pat︰Moony 最好   嬰兒用品系列︰ 如何選購嬰兒用品の床品篇！ 如何選購嬰兒用品の初嬰服飾篇！ 如何選購嬰兒用品のSwaddle﹑包被﹑包巾﹑睡袋的重要性！ 如何選購嬰兒用品の消耗品篇！ 如何選購嬰兒用品の奶樽奶咀與配件篇！ 好物&癈物分享︰ 精明買物媽媽系列の嬰幼兒好物分享 III 精明買物媽媽系列の嬰幼兒癈物分享 II 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法！ 精明買物媽媽系列の嬰兒好物大分享 I 旅行系列︰ 小腳板走天涯の18m布吉旅行應該帶啲咩？！ 小腳板走天涯の如何選擇旅行地點，機票，酒店同其他事宜？ 小腳板走天涯の10m台灣旅行應該帶啲咩！ 小腳板走天涯の23m東京旅行應該帶啲咩？！ 小腳板走天涯の23m東京旅行可以點玩？！ 自家製系列︰ 自家製系列の給寶寶最好的護理—自製天然健康湯水！ 自家製系列の小兒天然止咳殺菌良方—燉紫洋蔥！ 自家製系列の打一歲針前應該煲咩儲涼湯水？！ 自家製系列の嬰兒都可以食嘅生日蛋糕—沙律B生日快樂！ 健康系列︰ 健康系列の兩隻上門牙生得開真係無問題？咁你就錯曬啦！ 健康系列の如何應付寶寶の便秘問題？！ 健康系列の嬰兒應該打咩針?! 補咩針！！ 教育系列︰ 教育系列のPlaygroup 有感！ 教育系列のPN Interview 有感！ 生產系列︰ 生產系列の30分鐘生產過程+老公陪產的重要性！ 生產系列の早產嬰私院收唔收？生產費用又有咩唔同？！ 陀B系列︰ 陀B日誌の如何拆解超聲波圖！ 陀B日誌の公院私院產檢大不同！ 其他忙碌日常︰ 加固系列の嬰兒可以食咩零食？！ 暗藏細菌系列の選用沖涼玩具時要當心！ 沙律媽媽的忙碌日常の湊B去街應該拎啲咩？！ 減肥系列の閃電褲之真假！