超級親子商場愉景新城嘅冒險樂園重開啦！ 以空中夢幻彩虹為主題嘅彈跳迷宮～ 好玩特別嘅電子畫板、彩虹通道、藍天波波池、巨型星星、滑梯、氹氹轉等⋯ 一齊去嘆住冷氣放電啦！ 影片分享 都冇留意到添，原來係四月已經重開左啦！ 就係愉景新城3樓，超級市場對面！ 入面有好多遊戲機、推糖機、掉彩虹等！ 地方都幾大～ 今日目標明確！避開愉景新城入邊所有嘅兒童設施，哈哈！直接走到呢個新開嘅彈跳迷宮玩！ 職員會先為小朋友戴上手帶，這是入囗處位置！ 有塊好好玩嘅電子畫板，一個搖搖板同小車車道！ 先介紹彈跳迷宮，呀仔一入去就沖去呢條彩虹隧道入邊⋯地板會變色㗎！ 入面有好多機關⋯ 一眼睇晒，其實波波池唔算好大，但係足夠我個仔玩！ 一條旋轉滑梯，仲有一條大滑梯，投影機投放動畫係滑梯上面，好得意！ 360度氹氹轉，佢玩到好開心我睇到眼都花，哈哈 側邊有櫈可以比家長坐底休息 粉藍粉綠色嘅波波池！好靚呀，藍天白雲feel～ 仲有白雲同彩虹掛飾，感覺超夢幻～ 超放電嘅遊戲機！掉波掉到手軟⋯ 頭頂上邊儲滿波波就會跌落嚟㗎！ 門口位置啲波波夠深，到呀仔膝頭哥位置，可以玩游水～ 見到個瑜伽彈彈波，玩到超開心！ 佢不停想爬上去，個波就不斷碌走⋯笑死我 坐上嗰巨型星星上面，可以推住阿仔周圍飛 跟住返去入口位置玩，都有個投影遊戲機 小車車道，都幾滑喎～小車一衝個下幾好玩！ 迷你搖搖板 連我都覺得好好玩嘅電子畫板！ 下面有兩盆小草，只要利用畫畫線條、雨傘、太陽、白雲、山等⋯將水道引流過去小草位置，淋水之後就會開花㗎啦！好可愛～ 之後要玩多幾個遊戲機，有大人版同小朋友版嘅⋯ 每次嚟冒險樂園都要玩嘅打保齡球～ 最後玩埋推糖機⋯我唔小心推咗成堆糖出嚟，哈哈！唔記得影部機，每局好似30秒任推！好易玩！ 新開好新淨啦！波波池顏色配合得好靚，夢幻星空主題！我仔玩得超開心～ *留意返會有清潔時間！ 收費可以參考：特別日子收費至31/8/2019 平日．星期一至五：全日任玩80個代幣 假日．星期六、日及假期：全日任玩120個代幣 開放時間： 星期一至四：11:00-21:30 星期五：11:00-22:00 星期六：10:00-22:00 星期日及假期：10:00-21:30 *記得同小朋友做好學生計劃免費做會員！入會即送$50代幣，一堆優惠券，入面有張彈跳迷宮優惠券可以減$50！仲有代幣買一送一優惠等⋯代幣平均可以一蚊一個！真係好抵！最緊要小朋友玩得開心，我又可以嘆冷氣唔使俾蚊咬！ D Park 冒險樂園 荃灣愉景新城購物中心3樓3001號舖 ———————————— Follow 埋 IG:https://www.instagram.com/chochomamami/ 60款＋幼兒菜式分享(不定時更新) https://www.facebook.com/chochomamami/posts/1156137214530144 80個＋親子好去處(不定時更新) https://www.facebook.com/chochomamami/posts/1189315614545637