踏入35w..我覺得自己又大份左, 又論盡左 宜家照鏡都覺得肚又大, pat 又大... 上星期日返99度食飯, 臨走前, 佢話我開始鼻大.. 其實我有1秒係有少少唔開心, 但其實又預左陀仔會樣衰.. 好彩大少話唔覺 咁識tum人, 算你啦~   阿B就好似活躍左, 成日係我返工時頂個patpat / 腳仔上黎. 由一下一下既胎動, 宜家好明顯係一舊咁係個肚入面移動. 不過次次想影佢, 佢就怕羞仔, 唔郁   宜家晚晚訓覺都要墊好曬野, 前前後後都要晾住.  一晚會醒幾次. 點訓都好似唔舒服.. 一轉身就要攞埋個肚一齊轉. 之後又碌一陣先訓返. 朝早6點幾會醒, 有時好急去toilet (但其實又唔係咁多尿), 有時又唔想整醒大少, 所以忍一忍, 忍到佢起身, 我先去廁所.   條腰宜家開始會成日攰..行得唔快. 上樓梯會氣喘. 大少好怕我會唔夠氣生, 我自己都有D驚到時換唔切氣.. 所以真係要行多D...但宜家呢個天氣, 坐都出汗..何況行?   上星期日(35w3d) 係屋企再執下走佬袋. 第一次親手洗左件BB衫 (黃色長袍), 係作為媽媽第一次為阿B洗左一件衫仔.   之前係開倉買左2件衫 (I love Mama & I love Papa),  我拎左 "I love mama" 果件和尚袍做內衣俾BB出院著. 俾大少睇. 佢呷醋 今日 7月23日(35w5d)  大少見到年BB衫係 " I love my mommy & daddy" 佢好明顯想阿B一件有曬love 爸爸媽媽 所以我叫佢買啦. 今個 weekend 再洗埋, 換左BB出院著呢件啦.