Yeah! 放暑假喇！最近Keicy順利完成舞蹈升級考試，所以帶埋細佬妹一齊去澳門3日2夜，瘋狂玩水慶祝！   Day 1 我哋下晝坐船到澳門氹仔客運碼頭，雖然唔係第一次，但3姐弟每次坐高速噴射船都超興奮，享受「拋拋吓」嘅感覺。 落船後，好快就出關，酒店嘅接駁車已經等緊我哋喇~~~ 路氹區有好多宏偉建築，加上到達時開始天黑，小朋友都被沿途璀璨嘅燈火吸引，係咁話「好靚呀！」 Check in喜來登酒店後，又係時候醫肚喇！ 再次品嚐「班妮」嘅晚餐，水準依然出色，而且充滿驚喜…… 招牌菜－香濃芝士煙肉意大利粉，一定要再食呀~~~ 意式燴飯、意大利冷盤與奶酪，以及鮮美烤肉等，份量十足。 3姐弟食飽飽，就好滿足咁返上房瞓覺，準備第二日瘋狂玩水！   Day 2 食完酒店四樓嘅豐富早餐，今次澳門之旅第一個重頭戲嚟喇，各位觀眾，「Aqua World水世界」~~~ 酒店附送嘅「梳打熊貓夏日玩樂禮包」，有可愛沙灘袋、水泡及沙灘波，唔只玩得，影相仲好靚呀，同呢個適合一家大細嘅水上主題公園，係perfect match! 呢條瀡滑梯，3姐弟玩咗無數次！ 翻斗樂，以及刺激好玩嘅儒勒·凡爾納飛船，都係必玩嘅設施。 當3姐弟喺泳池及兒童水滑梯盡情嬉戲玩樂，我呢位廿四孝媽媽可以趁機喺池邊休息放鬆，亦都有到池畔小食亭小酌一杯，度過寫意一刻。   呢日晏晝，我哋嘆咗好多超好味嘅點心，包括…… 蟹子燒賣 松露露水晶蝦餃 黑紅魚子海鮮餃 避風塘銀雪魚粒 西班牙黑豚肉厚切叉燒 椰青   其中一個開心位，係3姐弟嘅筷子功又再進步咗，全程自己夾點心，自己照顧自己，真係大個仔大個女喇！   瞓完晏覺，充飽晒電之後，同3姐弟去酒店泳池游水。 日落時份，夕陽映照澳門巴黎鐵塔，望住佢嚟游水，超relax，超寫意。 小朋友游咗好多個堂，肚仔又餓喇，所以我哋去咗「盛宴」食buffet！ 最近餐廳推出嘅「檳城之夜」，鍾意榴槤嘅你絕對唔可以錯過，因為除咗一系列檳城地道美食、多款新鮮海產、特色檳城熱食及滋味甜點之外，更有馬來西亞不同品種嘅榴槤，包括享負盛名的「貓山王」，3姐弟都食到lam lam脷，捧住個肚走呀！ 為幫助消化，小朋友行街街睇夜景，酒店附近景色超靚，而夜晚嘅澳門巴黎鐵塔，仲會有不同燈光效果，每變一次色，3姐弟都會超興奮！ Day 3 又一個美味早餐之後，3姐弟喺澳門巴黎人酒店嘅「Q立方王國」大玩各種兒童遊樂設施，盡情放電。 開心嘅時間過得特別快，係時候要返香港喇！ 每次嚟澳門，3姐弟都樂而忘返，更可以喺有限時間內，滿足佢哋去旅行嘅欲望，創造夏日愉快回憶，對家長嚟講，係一次超值嘅暑期親子活動，歡迎參考以下詳細資料：   澳門喜來登大酒店「夏日樂游遊」住宿套票優惠： 日期：即日起至9月30日 住宿：每晚港幣1,238++*起 每位額外客人收費：港幣450++*，收費包括加床、每日早餐或午餐、一張水世界門票以及夏日玩樂禮包乙份。   享用項目： 入住豪華大床房或雙床房 於指定餐廳享用自助早餐或午餐 (每房兩位成人及一位12歲或以下小孩) 水世界門票 (每房兩位成人及一位12歲或以下小孩) 獨家澳門喜來登聯乘澳門文創【梳打熊貓】夏日玩樂禮包 (每房乙份，包括沙灘袋、游泳圈和沙灘球) 「班妮」、「盛宴」、「桃園」及「喜柏」餐飲八折優惠 金光飛航船票七折優惠 「Planet J冒險王國」、「歷險Q立方」、「歷險Q立方2」、「Q立方王國」、澳門巴黎鐵塔及澳門咀香園餅家禮遇 自助餐「檳城之夜」供應日期：7月12日到8月11日   預訂或查詢 澳門喜來登酒店香港免費熱線：3051-2898   ++*：須加服務費及稅項