其實最初係諗住整咕嚕肉既~~不過諗諗下不如扮下咕嚕肉更加彈牙啖啖肉啦 :) 材料: 油炸鬼 1 條 蝦膠  半斤 片裝菠蘿  細罐 調味: 菠蘿汁 茄汁 2湯匙 生粉 1茶匙 生抽 1茶匙 老抽 1茶匙 本來油炸鬼係一孖既我諗大家都知既~~ 不過有人肚餓....食左1/4... 即係....依到既份量係1.5條油炸鬼 要快靚正就唔自己買蝦拆殼挑腸打膠喇~~ 現成既蝦膠~~依到份量係半斤 釀晒D油炸鬼後...大概淨番1.5個乒乓波咁多啦 用廚剪剪開油炸鬼一邊再剪成一粒粒 就可以釀D蝦膠入去喇 釀完就可以細火慢煎佢 同時就開罐菠蘿~~ 先倒起D菠蘿汁再將菠蘿片切件 茄汁同菠蘿汁拌均~可試試岩唔岩自己口味再+糖/+茄汁 菠蘿同時都可以煎煎佢 開定個生粉水待用 煎得咁上下就可以落汁~~~再加少少生抽老抽吊一吊味同色 就可以落生粉水熄火上碟了~~ 好一碟~~~偽~~~~~咕嚕肉!!!!!!!!!!!!!!!!!!!! 好~~~~白飯任裝~~開飯!!!!