（我的Facebook專頁正送出BB展門票，快d去參加啦！ https://www.facebook.com/1524904844208620/posts/2597901143575646?s=561633981&sfns=mo ） 最近我老公入左個新手爸爸谷，我好驚訝因爲我老公連facebook都好少睇，竟然比佢搵到個爸爸谷，佢話係朋友介紹佢入去喎！我非常好奇到底成班男人會傾d咩？ 老公: 「最近咪傾BB展囉！」 我: 「BB展未開始喎！你地班爸爸會咁熱心做定功課？」 老公似笑非笑，為左滿足我的好奇心，我搶左佢手機黎睇，新手爸爸谷到底傾咩呢？ 嗯…我睇到好多爸爸們的對於BB展的真心聲！ 心聲一：呢度排隊個度又要排隊，老婆見攞到免費野就開心，我心唸真係寧願比錢買都唔想排！ 心聲二： 老婆叫左我8月2號請定假邊到都唔好去（BB展開幕第一天），我要上路喇兄弟！ 心聲三：老婆問你意見記得唔好比意見，只答哦！幾好呀！比親意見實死得！買左返去唔啱用一定入你數！ 心聲四：我都想同老婆研究下BB產品，但每次都ban我，大佬我要搵食架！邊有咁多時間睇？ 心聲五：睇下今次又有幾多喪屍坐係場邊等老婆！ 我一路睇一路笑！我的確親眼見過眼神空洞的爸爸坐係會場邊等待血併中的老婆回來！因而有感而發寫左篇文去讚揚肯陪老婆去BB展的爸爸們，其實好多時佢地都想出一分力做返爸爸要做的事，可能未必做得十分好，起碼佢地有心去做！ 有人話同老公相處其實好簡單，同湊仔一樣，只要多d耐性、多d稱讚佢，佢自然就會越做越好！所以，BB展更加要叫埋老公去，比多d機會佢參與買BB用品，了解不同用品的功能，到真正要佢幫手湊仔時起碼都知道點用，當然爸爸去BB展最大功能就係出錢兼出力啦！ 下星期就係荷花BB展開幕喇！相信連日來媽媽們都做左好多功課，大家快d睇埋我推介15樣至優惠好物，有相有埋價錢架！記得Mark低去掃貨喇！ （舊文重溫： http://mamibuy.com.hk/talk/article/69292）                                              ☘️☘️☘️☘️☘️☘️☘️☘️☘️☘️☘️☘️☘️☘️☘️ 荷花BB展詳情???? 日期：2019年8月2至4日 (10:00 am – 9:00 pm)            2019年8月5日 (10:00 am – 7:30 pm) 地點：香港會議展覽中心新翼Hall 1 & 3BC 票價：成人 HK$30             小童 HK$20 (1米以下小童免費) 售票地點：即場售票 / 分店預售 / 網上發售 / 全線7-11 博覽優惠券小冊子：HK$20 (每張成人入場券只限購買1本)    Facebook: Timtam仔的成長日誌  合作聯繫：Timtamfamily@gmail.com 駐站Blogger :  #Esdlife 靚太club #媽咪幫 Yahoo親子 #BK Milk #PressLogic 親子日常# ubaby Magazine #Beauty Exchange #ublog #hk01 =====================================