素高湯，信義妹之前有介紹過。今次就想同大家介 紹環保酵素(環酵)啦！   有日媽媽朋友問信義妹，俾小卷小立做家務，啲清潔劑咪整到對手唔滑囉～   其實信義妹係用天然清潔劑架。。。。除咗會自己整皂，仲會用白醋拖地，整整環酵，潔力從不比化學清潔劑差。除咗無咁傷皮膚 （信義妹係唔帶手套去清潔架），仲可以為環境出一分力，都不錯呀～   分享下做法先 1. 搵膠樽 2. 儲果皮 ，糖 （因為蔬菜皮好多時都俾信義妹拎去做素高湯啦~） 初初整可以整檸檬，橙，柚呢類的。糖任何糖都可以。 3. 磅果皮，糖 份量計算係 糖 1:  果皮 3 : 水 10 例子 :  糖 80g : 果皮 240g : 水 800g 4. 計算容量既時候唔好去到咁盡，同埋樽蓋唔好扭實。因為會有氣架，陣間佢一谷氣就成地都係架啦～ 5. 頭一個月，每日都搖下佢，跟住3個月後就用得啦~ 6. 用前要稀釋，信義妹比例會係 酵素 1 :  水10   *亦都可以加咖啡渣增強潔力 *環酵渣可以用煲湯魚袋袋好放入馬桶水箱作清潔濾水，記得2至4星期要換啦！                 信義藍星札記 Facebook Page https://www.facebook.com/IncredibleShunyeemui/ Instagram https://www.instagram.com/IncredibleShunyeemui/