喺湜弟7個月嘅時候，一班聖誕寶寶終於見面啦。我地喺Amomo Party Planet 過咗好熱鬧嘅幾個鍾~~~ 呢度最特別係可以印手腳板畫，我地一家四口印咗手掌，就交俾畫師設計畫，小飛象就出現啦???? 呢個係特別設計嘅，其他人嘅設計圖：https://iqi.su/zEWIZ。大家都可以選基礎圖案，將手掌變成印第安人，畫師仲會將大家個樣嘅特徵畫入去，簡簡單單都可愛。（參考 https://iqi.su/B6qey） Amomo Party Planet 場地正正方方，媽媽好易搵到自己小朋友???? 仲有適合半歲到5歲玩嘅玩具/設施，小鞦韆、煮飯仔、各種車車、小滑梯、波波池、彈彈牛、無限玩具等等，總有一款啱玩☺️最貼心就係有個餵奶間，雖然只係用布簾組成嘅空間，但足夠俾母乳媽媽用；另外仲有換片枱，唔洗走去厠所換。   半歲生日蛋糕由其中一位媽媽嘅蛋糕店主理，好夢幻好靚嘅顏色，仲同場地嘅獨角獸公仔襯曬，Earl Grey 蛋糕唔太甜又有茶香，湜澄媽忍唔到口食咗兩件。如果你地想知邊間，留言「要獨角獸色蛋糕」，我再pm你啦 #冇影淨BB大合照 #完全控制唔到 #一個喊個個都想喊 #聖誕寶寶 #齊齊食米餅 #唔記得淨係影蛋糕俾大家睇 #自費       －－－－－－－－－－－－－－－－－－－－－－－－－－－－－－－－－－－－ 免責聲明︰ 是次 產品/體驗 由品牌提供，本文章所發表的全部內容均屬個人意見及感受，並不代表該品牌之言論及立場。如有任何問題或有關更多產品資訊，請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。感謝 ! = = = = = = = = = = = = = = = = = = = = = = = = = = = = = = = =  ✽ 歡迎追蹤我更多育兒生活分享  - 澄兄湜弟 Facebook專頁:  澄兄湜弟 Instagram: @desiree_dumbo   歡迎聯絡我地 / 合作邀稿: desireeyi@gmail.com