今次同孖寶約咗朋友仔去石門玩，發現石門真係變得好玩咗好多，又多咗好多好野食。 聽朋友介紹佢地食日都會去呢間西餐廳食野，皆因未有得食野前可以比小朋友畫下畫，打發時間。到最尾又有得比小朋友玩扭蛋，開心下。 佢囡囡話真係一次過可以滿足哂佢幾個願望呀! 所以次次經過都話要去食咁話。     估唔到孖寶未知道我地想去呢間西餐廳前，經過門口就已經表示要入去呢家餐廳食...lol!     同埋如果你之前已經試過Casa Pennington 同　Casa Fina 就不難估到水準都應該唔差，因為今次呢間Su Casa係同銅鑼灣呢2間同一個group 架，而石門呢間就裝修雅緻，環境簡約清新。     今次食過果然真係無令我失望，首先我地order咗佢地招牌蠔湯，飲得出係用鮮蠔去打成湯蓉，啖啖鮮甜的蠔味，配埋洋蔥包真係一流。     孖爸就試咗佢地的炭燒紐西蘭肉眼扒，大男人食都表示份量十足！賣相吸引之餘，仲保留到啖啖肉汁，肉質岩岩好！     而我就清清地order咗個帶子菠菜忌廉天使麵，帶子煎得鮮嫩甜美，配埋醒胃清新的醬汁，味道濃郁爽口，加上意粉煮得啱啱好，有咬口之餘又唔會覺得乾，真係可以自己清哂成碟呀！     仲有個小食都係好正，煎焗柚子雞翼Juicy得來又啖啖肉，大愛呀！   孖寶各自order一份兒童餐啦，未有得食之前，佢地都用餐廳供應的畫筆來畫畫，乖乖地坐定定等野食。     3款兒童餐價格都好優惠，仲有2兄弟至愛的車車造型。   今餐唔洗叫呀，2個都自行波好快就已經食哂，2兄弟都表示好滿意呀！       完美的晚餐當然要以甜品作結啦，呢度件件甜品都好精緻，好有藝術感，咁出色的甜品真係令人一試難忘。       最後仲有2個第一次接觸的扭蛋玩呢，小朋友玩得開心，大人又食得開心！  今次呢間真係性價比高的西餐廳，而且好岩一家大小去食。     餐廳 : Su Casa 地址: 沙田安群街2號沙田石門安群街一號京瑞廣場二期地下G03號舖  (港鐵石門站 A 出口, 步行約1分鐘) 營業時間: 星期一至日 11:00 - 22:30 訂坐電話: 28825000     Casagroup Website: http://www.casagroup.com.hk/en/casaPennington Casagroup Facebook: https://www.facebook.com/casagrouphk/ Su Casa Facebook: https://www.facebook.com/sucasa2/ *是次的產品及產品資訊由品牌 提供**   我和孖寶的Facebook Page: 荔枝與孖寶  我和孖寶的 Instagram IG#: laichimama   Oh爸媽 - ohpama.com: Featured Bloggers MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger 廿四孝父母 - 24parent.com: Featured Bloggers 媽媽經台灣/香港站: 駐站作家 uBaby 懷孕育兒生活雜誌: 駐站作家 香港01: 專欄作家 台灣親子集合Tagmum : 專欄作家   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com