無錯，我係一位全新手媽媽 又係一位90後媽媽.. 身邊都唔多朋友可以講下媽媽經.. 所以我係Week 6已經第2次產檢 先講返第一次產檢 我之前篇Blog都有講 好早就去左產檢 當時應該係Week 4 所以係見唔到BB 只見胎囊 因為我第一次產檢後 醫生就叫我諗下去邊到生 順便去產檢 所以我做齊資料搜集後 就係Week 6既時候 去左一間醫院既註院醫生診所產檢 (如果有睇我上一篇Blog都應該估我去邊個醫院既註院醫生) 產檢通常都會量血壓，度高，磅重 之後等一陣 就可以入房 見醫生 傾下自已病歷 再照超聲波 見BB 等等 (我去果間係邊間就PM我啦 我廢事開名啦) 因為依一位醫生同我唔多夾 同佢講我既病歷就好唔想做我生意咁 之後照左幾下超聲波就話 走得 叫我俾錢做T21 ... 但當下 我連T21 係咩都唔知 (原諒我係新手媽媽) 所以我就同老公離開房間後 一致用眼神決定 唔會俾錢住 一定做齊資料搜集先 因為係佢到做要成$6800... 太貴了，唔可以太快決定 所以離開左診所後 因為醫生既態度 令我又要轉醫生既諗法~ Week 6 4 Day既嘟嘟 已經聽到心跳聲