全職媽媽真係年中無休， 病左無病假仲要頂硬上湊bb做家務一腳踢！ Bb個日乖既話都好易湊，bb如果扭計既真係生不如屎！ 菠蘿包媽好耐之前真係試過，真係好想喊！ 7月31號。菠蘿包媽感冒發燒， 只有我一個係屋企到湊住菠蘿包， 本身想帶菠蘿包搵菠蘿包婆婆幫手湊， 但係天文台突然間宣布會掛8號風球， 為左安全都係留番係屋企， 平時掛8號風球菠蘿包爸都係收唔到工， 鬼叫我病呀，頂硬上！   可能菠蘿包都知我病左， 好乖乖咁自已玩唔阻我做家務同休息！ 沖涼都乖乖只係玩左一陣水都唔扭計！ 下午既時候菠蘿包爸突然可以放工番屋企！ 菠蘿包媽好感動心諗：呀～救星到啦！ 就係咁交左比菠蘿包爸湊菠蘿包。 而我就可以放心休息訓教！ 當訓左半日就聽到菠蘿包喊即刻彈醒， 媽媽們聽到自已既仔女喊係咪都會咁呢？( ´▽｀) 原來菠蘿包掛住我呀⋯⋯唔見左我咁耐。   菠蘿包爸叫哂救命：自已湊住菠蘿包原來係咁辛苦架！ 平時聽你講好辛苦今日唔湊菠蘿包都唔知真係咁辛苦！ 因為平時菠蘿包爸放假都只係幫手執頭執尾， 未試過獨力湊菠蘿包超過一個鐘， 粗心大意既菠蘿包爸另我好唔放心， 今次真係一個好好體驗！ 原來菠蘿包爸都可以湊到菠蘿包半日既！ 咁我就可以懶d成日交菠蘿包比佢湊啦！哈哈哈！ ～～～～～～～～～～～～～～～～～～～ 歡迎合作～產品試用～～交流育兒心得️ Esdlife blog: http://wow.esdlife.com/space.php?uid=83855 Mamibuy blog: https://mamibuy.com.hk/home/12147/ Mamidaily blog: https://mamidaily.com/author/kayyauoutlook-com Ig: http://instagram.com/Hector.so.512 Facebook: http://www.facebook.com/HectorSo512 Email： kayyau@outlook.com