不經不覺做左全職媽咪6年, 本來得一隻小魔怪變到而加有兩隻。 回想返當初做全職媽咪既唔習慣唔適應, 到而加已經習慣晒之外仲其實好開心，每日睇住佢地長大，佢地點樣溝通，一齊搗蛋，一齊笑同喊，當然一定有辛苦。 落雨幫佢地著雨褸, 抱一個拖一個上車; 去買餸揀材料之餘, 仲要顧住佢地會唔會比人拖走或者走左去, 有時想做自己野, 例如去廁所...一係不停入黎, 一係本來玩得好地地但一入廁所就爭野玩, 喊同鬧......... 每日都好嘈但係開心既嘈, 到夜晚佢地訓著晒, (成個世界清靜晒XD) 望下佢地留意下佢地手仔腳仔都係一種溫馨, 諗返轉頭做全職媽咪都幾好吖♡   ☆兩隻小魔怪☆