1月15號第一次驗到中獎 基於之前試過食詐糊，諗住用淘寶野驗一驗先，為保安全仲一次過用兩條試紙黎驗，當見到兩條線既一刻，默默地拎起電話wts app比比爸「我放工去買驗孕棒」，人生第一次中獎，我係驗左4次先敢相信   1月20號去私家醫生拎懷孕證明 比比媽係育嬰園工作，經常性要抱BB，算係半勞動性工作，所以快快手拎懷孕證明交俾上司，同時準備去報產檢啦～   1月21號Fax資料去QE L Block約產檢 比比媽居住屯門，成日聽聞屯門醫院行政混亂，加上比比爸係公務員，所以諗住去QE生，兩公婆都要返工既關係，所以叫比比爸將身分證副本(係下面寫埋電話)、住址證明、懷孕證明fax去L Block度，好快就有姑娘打電話約我第一次產檢既時間：2月22號(10週)   2月19號（9週）私家第一次照超聲波 因為撞正新年私家醫生放假，比比媽到第九週先第一次照超聲波，第一次照已經可以見到手手腳腳，一對腳仔仲好似踩單車咁踢下踢下，當聽到bb心跳果刻，內心真係十分感動   2月22號（10週）QE第一次產檢 第一次既產檢因爲只係見姑娘問家族病史同約期，所以係唔需要留定樽尿嫁～而我係十分好彩，唐氏同結構期都約到，結構期仲要係星期六，只係要等到6月先第一次見醫生，果時已經係27週，而係見醫生前雖然有病人編號（拎左呢個號碼就可以約產前講座，我遲左所以好多熱門既都報唔到），但係無覆診卡，所以有咩事都係去急診，而見完姑娘後去抽埋血驗基本抗體野就走得～   3月12號（12週）QE產檢-度頸皮 度頸皮其實姐係驗有冇唐氏既風險，坊間既T21同nifty都可以驗到，而驗既野仲更多更詳盡，我都有驗番T21，5個工作天出報告～QE照超聲波度頸皮果日，好好彩遇到個好好人既姑娘，佢除左幫比比度頸皮，仲照左好多次比比既頭仔手仔腳仔俾我地睇，仲有幫我地度埋比比既size（姑娘唔會講出黎係幾多，所以要留意住，然後默默地記下），而且政府醫院照超聲波係唔俾影相，過程除左姑娘有時頗大力uh落我個肚照之外，其實感覺都幾細心詳盡，照完抽埋血就可以走啦～ 待續...懷孕中期記錄....