相信好多媽媽得知自己懷孕之後, 都會改變飲食習慣, 注重飲食健康, 想食多D健康食物比BB吸收~(母愛的開始) 不過在職媽媽又好難餐餐都食得咁健康(包括我自己, 哈哈), 平時一至五返工, 早餐都只可以簡單食個包, 烚隻蛋, 飲包奶~ 但開頭日日食烚蛋, 飲奶真係食到想嘔, 之後都頂唔順 所以由飲奶轉左> 飲乳酪(一樣有鈣質), 烚蛋轉左 > 煎蛋/炒蛋 (蛋白質) >>講返先, 我懷孕期中唔係一個迫自己介得好清既孕婦(只介雪糕, 咖啡, 生野，涼野), 其他樣樣都會食d, 只要唔好過量就ok的！因為十個月流流長, 如果迫自己介口會好辛苦同唔開心架!  由其是初期無胃口, 口味轉哂, 媽媽更加要食D自己想食既野(KEEP住唔好跌磅更重要), 頭3個月BB都可以靠補充品吸收營養(Materna, DHA藻油丸 等等), 唔洗太擔心的! 只有放假先可以自己煮早餐同BB 慢慢嘆同健康d, 以下就係平時我整既早餐喇, 超級易整!! 快,靚,正! 懶人無籍口唔識整啦 1. 烘底方包兩塊配煉奶或芝士（搽完牛油可以用多士爐/煎pan烘)+烚番薯+煎蛋+乳酪一杯 2. Pancake配jam (係吉之島買粉加水開完就煎，好易的）+牛油果整成醬+ 烚蛋 3. 蒸燒賣 + 鮮奶  4. 蛋花煮麥皮 + 烘藜麥吐司 （美心買，烘完都好軟既包，好正） 5. Pancake配麥糖/Jam + 煎蛋 + 純鮮奶 6. 烘底方包兩塊配煉奶或芝士（搽完牛油可以用多士爐/煎pan烘)+煎蛋+奇異果+乳酪一杯 7. 牛油果蛋沙律芝士麥方包+子母奶 8. 烘藜麥吐司（加片芝士/搽煉奶）+ 腸仔 + 烚番薯 +煎蛋 9. 維記鮮牛奶乳酪（有青蘋果/橙/桃味） 係咪全部都好簡單呢？ 基本上都係簡單配搭，但就多數會有蛋同奶類。 飲品多數會係：鮮奶/乳酪/熱華田/果汁/鈣思寶 大家可以係早餐加埋生果更健康。幫助排便！ 而我早餐就無肉咁制haha，因為唔鍾意煙肉，火腿/腸仔間唔中食 食物都係好個人口味，未必人人鍾意食~ 希望我既分享可以令大家多d選擇啦（其實都唔係好多haha)   歡迎產品試用合作：chuimei_chung@yahoo.com.hk Intagram: maymayc0807