仲記得當初轉做全職媽媽既時候, 好多唔習慣, 變相成日等老公返黎就諗住可以出去放鬆一下。但有小朋友又點可以話行就行吖。 頭幾年我都迫得自己好緊, 一定要日日拖地掃地，抹屋洗衫，買送煮飯，迫到自己有啲抖唔到氣... 而加身邊亦會有啲人講: 乜你識煮飯架? 你識吾識湊架? 邊係咁架? 湊唔湊得惦架你? 又或者好多意見....我最後去左睇心理醫生，確診左有抑鬱同焦慮症。 不過而加好返好多，而且唔會再迫自己咁緊同埋可能有第一次經驗，當然而加湊2個魔怪都會有混亂既情況出現XD. 冇人天生識做媽媽，而且每個屋企都唔會一樣，人地果套未必用到自己屋企。加上每個媽媽都係邊做邊學，好努力想做好自己，唔體諒唔讚賞冇問題，但唔好打擊媽媽S。 最後我想講不論 在職 全職 準媽媽都好，路上一定會有唔如意，力不從心既感覺; 甚或有時會出現好繃緊既情緒，唔緊要！但！一定要同人傾, 同老公好，朋友屋企人兄弟姊妹都好，千祈唔好收埋唔講出黎，唔好一個人去承受。 又或者情況許可下，做下自己鐘意既有興趣既野 放鬆下自己; 乜都唔做 放空下都係一個唔錯既選擇黎架♡ 我既興趣就係畫畫，畫完靚唔靚都好，都已經達到放鬆既目的♡ 各位媽媽ssss 一齊加油♡