由開始造人到成功懷孕既經歷同方法~ 以前細個未結婚未諗到要生BB個陣，一直都無諗過自己係容易定唔容易懷孕體質，亦都無特別擔心呢個問題~ 當結婚後，同老公已經計劃半年後先開始不設防，亦即我地既開始造人大計啦 開頭一直都係平常心, 無睇中醫調理, 無食補品. 無特別做運動. 只係有開始食定葉酸 ~~ 由上年6月份開始試頭幾個月, 我就用APP & Clear Blue 排卵捧 去計排卵日再同老公行埋, 通常排卵期前,中,後都會做, 因為你永遠唔會知邊日先會中獎, 機會大既日子就一定要試多幾次, 總知排卵捧CHECK到有哈哈笑 個一星期盡量做2, 3次, 隔日或連續2日咁做. 哈哈! 開始造人後, 每次M到前都會特別留意又緊張, 又好唔想佢黎, 好心急想有BB既心情~ 其實不知不覺就有種壓力><(終於明白點解有時愈想有愈難有, 心情真係好影響) 到試左幾個月都未成功中獎, 除左失望, 我心裡面就有好多擔心同問號?? 畢竟自己已經過左30歲, 雖然未係高齡, 但都唔會好似18/22歲咁容易懷孕~ 所以係10月就同老公去左body check下 (因為我地婚前好懶 無做到詳細生BB既檢查), 朋友介紹下揀左"美邦醫學體檢中心"  佢有好多PLAN選擇, 價錢亦都唔太貴的  我揀左"雙人婚前精選健康檢查" (因為驗既野都係有關生BB既野), 另外再加錢照埋子宮、卵巢及膀胱超聲波(盤腔超聲波), 呢個好重要X10000! 因為如果就咁驗血, 係唔會睇到子宮/卵巢有無畸胎瘤、水瘤、纖維瘤或朱古力瘤等, 萬一真係有係會影響懷孕機會/生育能力的! 所以建議一定要照埋呀!  一個月後去拎報告喇(真係好緊張), 當聽完醫生分析.....大部分既數據都係正常的 (包括老公既精子質數, 地中海貧血, 德國麻疹等等) , 但....就發現到我右邊卵巢有粒3-4cm既野, 當時報告係未證實到乜野黎的, 因為詳細係要另外出去搵婦科醫生再照先知, 個一刻真係好驚好意外!! 唔知係乜野黎, 又驚無得生BB!!  好快約左一星期後去睇婦科, 醫生照完已經確實右邊卵巢有一粒瘤 估計係"畸胎瘤", 一聽個名勁驚, 即刻問咁點算有咩影響?? 係咪好嚴重..><  之後醫生話唔洗太擔心, 粒瘤唔算大, 都係常見既婦科病, 而"畸胎瘤"成因, 可能係天生一出世已經有的.無得避免~ 雖然話無生命危險, 但怕愈黎愈大 或 懷孕之後影響BB成長仲擔心, 亦唔確定係咪咁而難有BB(我覺得點都有影響的), 總知就建議做微創手術切除. 當然我都係決定做手術啦, 快D解決佢!! 減少一樣野阻礙我地造人計劃!! 好快約左12月27號 係浸會醫院做手術喇 (呢一刻發覺買保險的重要性, 唔洗政府排期, 即刻約私家做), 人生第一次住院!! 手術大概一個半中就完成, 幸好整個過程順利! 比想像中無咁痛無咁驚! 醫生話成功切左粒瘤, 但右邊既輸卵管都係塞左, 而左邊就正常, 好彩佢話仲有一邊正常都可以懷孕的, 唔洗急住做通 輸卵管手術~ 叫我試多半年先~ 手術一個月後復診, 身體復原一切正常, 醫生就可以開始返造人喇! 太好了~~ 之後朋友叫我試下食天喜堂天喜丸 (幾年前都已聽過對懷孕有幫助), 佢係中藥成份&萬寧/屈臣氏都買到的, 詳細可以去網站睇下呀, 當然未必百分百有幫助, 但都想試一試無懷的~~ 兩個月後, 即今年3月份就成功有左MATT豬喇 做完手術後, 覺得身體健康更重要,  可能無之前諗得太多, 心情比之前放鬆, 結果BB悄悄地來臨(總括試左8-9月成功)~ 我覺得係造人計劃路上, 每個人成功的時間都不一樣, 難免會有失望/壓力影響, 但盡量抱住順其自然&唔好放棄既心態, BB就一定會來臨! 當然都要勤力同老公行埋, 注意健康, 去多D旅行增進感情, 兩個人RELAX既心情都好重要~ 同埋如果試左3-6個月都未成功就一定要去身體檢查下, 唔好浪費太多時間呀嘛~ 祝大家成功懷孕! 加油呀!  上天會係適當既時間就會安排寶貴的禮物給你!  以上提及的產品純粹本人自用過, 沒有廣告成份的~ 大家可以自行評估適合/不適合喔~~(如有問題, 歡迎PM我) MATT豬媽媽日常生活可關注: http://instagram.com/maymayc0807 歡迎產品試用/活動邀請: EMAIL chuimei_chung@yahoo.com.hk