細細個經常會對長大後嘅自己有好多期望與夢想。 我細個想做老師、護士、漫畫家，最後我還是成為一個平凡嘅人。   今個暑假，挪亞方舟就讓小朋友實現佢哋夢想「職業」，讓小朋友去學習、實習與體驗。   夢想職業總共有8份，包括牙醫、消防員、飛機師、廚師、營養師、畫家、海洋生態探索家同埋森林保衛員。有8大職業咁多，實有一份係小朋友鍾意嘅。   入場前，首先可到正門換領入場券及領取「快樂夢想特工隊。未來日誌」。未來日誌入面有10張遊戲券，每項遊戲需使用4張遊戲券，大家會問咁玩2個遊戲，得返2張遊戲券咪玩唔到囉？ 唔洗怕，大會都好心，只要即場上載相片加指定Hashtag，即可獲贈額外2張遊戲券。咁就可以體驗3個職業啦。 ^ 時間表 另外，揀啱職業，記得要先到LG層近餐廳位置換領遊戲籌哦。因為每節遊戲時段都設有限定人數，而每節體驗為30分鐘。   而和牛b一收到未來日誌，二話不說就揀咗消防員同埋牙醫，所以馬上去拎遊戲籌啦。   入場時候超好天，誰知換咗消防員遊戲籌後就馬上風雲變色，落起大雨。所以消防員職業體驗戶外部分要取消，只能喺室內學習消防、防火、遇到火警嘅知識。 和牛媽媽都學咗好多嘢，其中就係逃生三寶: 鎖匙、電話同埋毛巾。 同樣小學員都會換上消防員制服，聽住阿Sir講解。 畢業嘅時候，仲可以同消防車合照留念。   然後，我哋再去體驗牙醫職業。換上牙醫制服，和牛B開始學習幫病人檢查牙齒，補牙同剝牙。 最後，當然要學埋刷牙啦。 畢業啦~~ 最後必到「夢想星球e-Planet」，因為呢到有唔少影相打卡位。同樣，記得預先拎入場籌。「夢想星球e-Planet」只需出示入場門券就可以拎籌了，係唔需要遊戲券嘅。   來到入場時間，場內會較暗，因為主要由投射互動燈光，喺牆到輕掃，畫面就會同你有互動，畫面會有變化。   首先會先來到森林，好有置身大草原野感覺，地下有草有水，仲有獅子、長頸鹿、大象等。 再往前後，會去到海洋世界。帶埋場內提供嘅3D眼鏡去觀賞，會更加立體㗎。 ^ 場內提供嘅3D眼鏡 然後去到必打卡嘅四季區，場內主題會定時轉季，春、夏、秋、冬讓你一次過經歷。 ^ 春季來臨，百花齊放   夏日嘅夜景，四處都有螢火蟲。 ^ 秋天賞紅葉 ^ 冬天雪地，仲可以睇埋北極光 最後去到未來區，小朋友可以發揮創意。創作自己嘅未來車子、未來機械人。完全作品後，仲可以將作品傳送到大屏幕上面。 ^ 專心創作嘅和牛B ^ 見到自己嘅作品登上大屏幕，顯得相當開心呀 如果好鍾意自己嘅作品，仲可以製作個人化紀念咕????。而7-8月購買，仲有折扣優惠，$128一個(原價$198)。 ^ 優惠價$128一個 只要集齊4個完成遊戲後嘅印章，仲可以換走職業襟章一套。   餐飲設施 挪亞方舟入面有小食店、輕食嘅挪亞廚莊及豐盛閣。當日我哋食完早餐就入場玩，午餐時段，輕食略嫌不夠飽，所以我哋去咗豐盛閣食迷你自助午餐 ($88/位另加一收費)，而和牛b就點咗個兒童餐。   迷你自助午餐大概有5款食物(有2款飽肚意粉及飯)，西瓜、沙津、中湯，另有飲品吧。 ^ 兒童餐送嘅砌圖 挪亞方舟內仲有其餘玩樂設施。 前往方法: 1.渡輪(來往中環2號碼頭至珀麗灣碼頭)  2.渡輪(來往珀麗灣碼頭至荃灣碼頭)   3.方舟專線服務 (旺角新世紀廣場 <> 馬灣挪亞方舟入口廣場)  - 登車位置近 - 票價雙程$38 - 出發之方舟專線到挪亞方舟，請於專線出發時間10分鐘前完成購票手續。    4.巴士珀麗灣 <-> 港鐵青衣站 NR330 5.巴士馬灣 <-> 港鐵荃灣站 NR331 6.巴士馬灣 <-> 港鐵荃灣西站 NR331S 7.巴士珀麗灣 <-> 葵芳新都會廣場 NR332 8.巴士珀麗灣 <-> 機場1號停車場旅遊車泊位19號 NR334 9.巴士珀麗灣 <-> 中環2號碼頭* NR338   入場費: 成人$198  小童及長者$158   【挪亞方舟 @「快樂夢想特工隊」】 活動日期：即日起至2019年9月1日 (逢星期六及日) 詳情及購票：https://www.noahsark.com.hk/tra/summer-event2019.jsp *凡於挪亞方舟官網購買小童門票，即可優先預約2個活動         -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。