身為宮崎駿大師ge die hard fans, 今個暑期唯一令我興奮起嚟ge, 只有FWD富衛保險 x 《吉卜力的動畫世界》!! 有追開blog都知我上年執雞入到場聽久石讓(宮崎駿御用音樂家)已經開心到痴咗線, 今次直頭係將我全部最愛ge動畫經典場面呈現眼前!!! 你話係咪開心到癲咗! 吉卜力宮崎駿大師ge作品歷久不衰, 無論3歲定80都啱睇, 細個細有細個ge開心, 大個再睇返, 又有另一翻味道, 動畫圍繞住理想、勇氣同埋愛等超越時空限制ge題材, 响人生唔同階段睇, 都有另一翻味道, 會有另一種感動, 呢個就係大師可以跨世代咁成為大家心靈雞湯ge原因 (睇咗一百次龍貓, 幾十次天空之城及十數次其餘故事ge die hard fans每次也得到感悟) 官網預售時已經約晒人, 買晒飛入場睇喇~!! (買飛嚟呢度 >>https://www.ghiblihk.com ) 今日我等到喇~~~ (興奮程度同試我0個件度身訂造ge婚紗0個日差唔多XD) 先睹為快~!! 响MegaBox隔離街, 九龍灣地鐵站行過嚟都好快~ 响門口確認咗訂票之後就可以入場喇~ 第一個場景, 係百變狸貓 細個睇唔明, 覺得好悶, 大個睇, 就覺得係好悲哀ge動畫... 人類為咗發展, 不停咁破壞大自然, 迫害其他物種..... 万福寺門外ge草叢 行入万福寺, 就見到正吉同阿清, 同動畫入面一樣呆萌樣, 好搞笑呀~~ 仲有佢地屋企tim ga~ 離開咗百變狸貓展館, 就去到魔女宅急便~ 我承認我細個有騎過上地拖都扮琪琪~ 你地有冇呀? 除咗真實場境, 仲有box art~ 都好值得細心欣賞ga~ 琪琪ge經典場景, 當然係冇咗魔法之後謝謝豬伏响舖頭納悶啦 然後有2位小孩來搞事~ 姐姐我想買呢個包呀~! 另一邊仲有tombo成功踩佢自製ge飛機單車起飛一幕~!! 大家入場都要去睇呀~~ 場景以外, 場內仲有唔小經典對白 這句讓我越讀越想哭 魔法之旅唔好停, 我地嚟到哈爾移動城堡喇~ 座城堡真係會郁ga~~~ 米豬雖然未睇過, 但都好興奮, 係咁同我講呢個會郁呀! 仲有卡西火個爐頭, 米豬話要煮早餐比我食喎~~ 我要太陽蛋呀唔該~~ 當然唔小得蘇菲婆婆同哈爾啦~ 佢地响另一邊呀~ 之後就到2位男孩子都好鐘意ge飛天紅豬俠~ 飛機要起飛喇~~~ 仲有秘境沙灘~~ 可惜冇吉娜間酒吧啦~~ 但有沙灘同埋飛起, 已經好迫真了~~~ 估唔到紅豬俠起飛之後, 就帶我地去到幽靈公主ge世界 騎住羚角馬geアシタカ迎接我地嚟到森林, 而佢附近, 就見到山獸神 呢度仲有影片展覽, 會見到樹精靈同螢光巨人 然後米豬今日問咗我一百次, 隻小鹿(山獸神)去咗邊? 鏡頭一轉, 見到湯婆婆, 就知我地嚟到千與千尋ge世界~~ 湯婆婆就算坐响度都好有氣勢~~ 有個小朋友話驚驚唔行過去~~ haha~ 必影打卡場景!! 千尋過橋入油屋!! 我地派出晞晞哥哥同米豬, 跟住千尋一齊進入神怪世界~ 影完油屋, 記得去同無面男搭電車呀~~~ 同無面男影完相, 就去到天空之城場景, Pasu晞晞要接住從天而降ge Zita~ 跑快D呀Zita! 空中海盜就快追到嚟喇~!! 細個時, 曾經好想有一粒飛行石, 咁我返學就可以訓到最後一秒先落床喇~ 因為學校响屋企樓下XDD 天空之城梗係有巨神兵啦~ Pasu搭住海盜ge鼓翼機, 去城堡勇救Zita呢一幕都神還原咗呀~~~ 終於嚟到最後一個站~! 係我由4歲鐘意到而家, 睇咗超過一百次ge龍貓呀~!! 要穿過次子盪失路越見龍貓ge小樹林~~ 但一穿出去, 原來係佢地屋企呀~~ 煤炭屎鬼走喇~ 吔吔~~~ 唔見晒D污糟野喇~ 咿呀~~~~~~~~~~~ 當然唔小得龍貓個大樹窿啦~ 呢度做得好正呀~~ 真係一棵大樹幹咁, 大家要响樹幹D窿na位度望入去搵龍貓ga~~~ 訓到gur gur 聲ge龍貓~ 吱吱咋~ bom bom吧~~ 仲有最後一個經典場景, 嘻~ 我唔話你知, 等你自己入去睇~~~ 離開咗龍貓展館, 就嚟到放血之場所~!! 紀念品販賣店~!!! 會場限定紀念品!! 手快有手慢冇呀吓~!!! 呢套幻燈片超級靚~!! 可以散買ga~~~ 但要儲梗係一套過啦~~ 點小得一座龍貓山先??? 個個小朋友一見到就衝埋去要攬住~!! 由於米豬已經有幾隻龍貓响屋企, 佢今次搵到佢ge真愛 無面男~~~~ 媽媽們最愛又最好儲ge, 當然係手巾仔啦~ 仲有必買ge襟章 上面0個個繡花襟章勁靚呀~~ 敗咗d手袋同手巾仔同公仔囉~~ 點忍手先~? 係咪? 同埋我每次必抽ge龍貓幸運石~ 而本人亦極度幸運地, 咁多次都冇重覆過~! 爭2粒就儲齊一套喇~~ 吉卜力的動畫世界 日期：2019年8月3日 – 11月3日 時間：11:00 – 22:00 地點：Portal 6311，九龍灣常悅道18號 網頁：www.ghiblihk.com 查詢熱線： +852 2314 4228 門票銷售 由即日起可經Cityline.com 或 Trip.com 票務平台購票。 米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/
