瓜媽帶兩隻瓜出席朋友嘅生日飯聚，嚟到呢間以鴨鴨做主題嘅餐廳 - THE UGLY DUCKLING 閒日晚上嘅工商業區， 唔算好多人。雖然叫醜小鴨餐廳，但餐廳佈置簡單得嚟並唔醜唔單調，印有鴨鴨嘅枱墊、餐牌加鴨鴨裝飾 ，好吸引兩隻瓜，不斷要攞枱上嘅鴨仔擺設玩。 餐廳老闆係丹麥人，主打丹麥菜，有多個Main Dishes 選擇: 推介丹麥燒肉配棕汁 （燒肉好脆但唔油膩，Gravy 汁都好夾），伴菜選擇了薯仔沙律，好驚喜 ，成枱人食到唔停口要再單點一個 燒三文魚扒配牛油檸檬汁 (個汁酸酸的很開胃，令魚肉入口味道更濃郁）；另外焦糖薯仔都超好味，推介 同朋友慶祝生日點少得蛋糕甜點，只要預先跟餐廳溝通，就會提供寫名字及祝賀語服務，隨碟擺設都係鴨仔，而呢隻鴨仔係餐廳送俾客人的禮物，so sweet 。 上蛋糕時場內播起生日歌，係西瓜仔最開心時候，要同姐姐們一起唱歌，西瓜仔仲要吹埋人哋嘅蠟燭。蜜瓜妹都好開心，攬住大鴨鴨影相，無牙妹蜜瓜笑到唔見眼。 特別介紹 - 丹麥朱古力餅乾（Kiksekage) 好少地方可以食到嘅丹麥傳統甜點，係雲呢拿餅乾夾朱古力蛋糕。這是丹麥 70-90 年代好受歡迎嘅食品，相信帶俾餐廳老闆不少童年回憶吧！ Facebook : 西瓜仔與蜜瓜妹 https://m.facebook.com/sweetmelonsfamily/ Instagram : geminard (西瓜媽）   THE UGLY DUCKLING 地址： 觀塘巧明街94-96號鴻圖中心地下5D-E號舖 （港鐵牛頭角站 B6 出口, 步行約6分鐘）