從前, 有個小朋友, 吼媽媽去洗手食午餐時, 响媽媽0個盒得6粒ge麥樂雞入面, 強搶咗一粒嚟食 而且仲表現得非常滋味, 彷似搵到人生的意義咁樣 間唔中一舊就冇所謂ge, 但你食完一粒仲要再食, 我得返5粒咋~!!! 而且油炸又味精~! 唔健康~! 你要食, 等我整比你食~!   材料: 無激素雞髀扒 2塊 蛋黃 1隻   調味料: 鹽 2/3茶匙 糖 1/2茶匙 五香粉 1茶匙 粟粉 1湯匙   脆漿: 雞蛋 1隻 麵粉 2湯匙 粟粉 2湯匙   做法: 1. 雞髀扒去皮後切粒, 加蛋黃及調味料拌勻 2. 用手提攪拌器/攪拌機/手剁成雞蓉 3. 放入雪櫃雪6小時至一晚 4. 脆漿全部拌勻至沒有棵粒 5. 匙羮/手搽小小油, 將雞蓉吱成球 6. 雞蓉球沾粟粉, 再沾脆漿 7. 平底鑊燒紅後, 將雞球煎成形後盛起 8. 氣炸鍋用180度氣炸7分鐘, 完成 (或用180度滾油炸至金黃色)     製作過程可以睇呢度~ https://www.facebook.com/cookingmama.ilovemama/videos/1130869150584147/   歲半以上咀嚼能力良好就食得ga na~ 夠邪惡了吧~~~   煮食小貼士: 1. 怕太肥可以用雞柳, 但係會冇咁juicy 2. 嫌佢唔夠juicy可以落埋塊皮ga~ 3. 一定一定一定要雪6小時以上先好造型, 如果唔係係唔會成型ga 4. 唔想炸又冇氣炸鍋, 可以半煎炸, 或煎到成形後用焗爈180度焗8-9分鐘 5. 想再脆啲可以响脆漿外碌一層麵包糠   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/