以前我哋細個，都係喺健康院打針，但而家為左BB得到更全面、充分嘅健康保障，打針唔再局限喺健康院，父母可以選擇自費去私家診所幫BB打針（因為私家診所提供嘅疫苗種類較政府多嘛，保障範圍會廣泛啲）。 加上喺一個舒服嘅環境打針，阿媽我感覺都好啲 唯妹兩個月大嘅時候，我就帶佢嚟到香港安苗醫療中心打針喇。 佢打嘅係五合一（因為一個月大時打咗乙肝第二針），即係一枝針可預防五種疾病，包括：白喉、百日咳、傷風、小兒麻痹及B型嗜血桿菌（HIB）。BB需要喺第二、四、六及十八個月分別接種共四次疫苗，每次一針。 先講吓個地點啦！診所喺正旺角朗豪坊辦公大樓，一出地鐵站就係，打完針仲可以去食吓飯添診所空間好大，就算多人都唔會有局促感。 接受疫苗流程： 喺打針前幾日，其實服務已經開始喇！ 有職員會先經WhatsApp叫我影妹妹嘅「針卡」俾佢哋睇，確保妹妹係適合接種疫苗。 一到達醫療中心，爸爸媽媽可以先喺Reception登記，有需要嘅話可以去育嬰室換片餵奶（育嬰室好乾淨） 之後到健康評估室，有職員詢問BB嘅身體狀況、填問卷。去埋度高磅重，就見兒科醫生。 兒科醫生好細心，除咗會睇吓BB當日身體狀態適唔適合打針，仲會同我傾偈，睇吓妹妹嘅生長情況同發展，又問我有冇照顧上嘅難題，盡力解答我。 去到「打針房」，有三位護士喺度！ 首先，一個會俾我睇一睇疫苗個盒，確保係正廠正貨疫苗；一個幫手按住妹妹；一個幫妹妹打針，我就負責抱住妹妹。呢個安排好好呀，因為我真係唔敢望住同按住BB腳仔打針，好心痛嘛... 唯B細個打親針都係爸爸帶佢入房，我會喺出面等佢哋...  　 最後，大家可能都會關心價錢問題。 佢哋嘅收費好合理㗎，好貼近市價，絕對推介俾各位爸爸媽媽。 如果大家有興趣，可以參考佢哋嘅服務：https://www.hongkongpv.com/product-and-service   Like our Facebook Page: https://www.facebook.com/weplaynlearn/ Follow us on Instagram: http://www.instagram.com/kly.chu