爸爸一早起身話想食buffet,於是我哋就book咗即日去Disney Hotel食buffet去到Disney hotel完全冇晒大陸團非常之好行完全係港人消費 因為唔爆場嘅關係，所以迪士尼人物都非常得閒，影完一輪相之後佢哋仲可以響每張枱同你一齊玩一齊食嘢添 由於米奇太鍾意妹妹嘅關係，佢陪妹妹食咗無數咁多舊薯仔，米奇企響阿妹隔離，阿妹完全掛住食唔理佢，於是爸爸唯有唱佢嘅飲歌#屙不出屎，搞到米奇好開心，笑到攬住個肚 所以話小朋友最緊要食得瞓得，話之邊個企喺隔離都完全當佢無到，最緊要有得食 其實去迪士尼食buffet三歲以下係免費，不過唔使錢佢哋又好食得，所以好抵㗎 呢排嘅社會氣氛難免令到大家有啲失落同無助，不如放鬆心情去迪士尼尋找大家嘅fantasy 放鬆一下啦