對上次產檢係17weeks，我個產檢醫生叫我準備照結構，但因為佢果度冇得照，所以只好轉介我去第二度做結構檢查，我係2星期前先打去預約，都約得幾容易，因為我有幾個媽媽group，聽講都幾難約，所以聽到一約就約到，仲要兩星期後，都怕個醫生會hea我... 之後我上網搵下d評語，但都係好多年前lu，因為佢收3000蚊而且包埋產檢，另加100蚊就有DVD，所以聽落價錢都OK，就決定同老公去依間照結構啦~ 當日我係約左早上10點鐘，去到就見到一對夫婦等緊檢查，仲以為會好耐，點知我前面得一對夫婦，之後等左15分鐘到，就可以入房，一入到房，醫生就問我有冇咩問題呀，因為我對上次產檢係17weeks，只係過左3星期左右，所以都冇咩問題問，咁就一入去就上床產檢 產檢時間大約25-30分鐘，我仲以為會好快，因為好怕佢hea我...佢會由頭講到落腳趾，數下手指，所以照結構時間大約25分鐘到，之後就走得啦~ 5分鐘後就有埋個report同DVD... 希望大家鐘意睇我既分享，我係新手90後既媽媽。 本文章所分享既所有內容均屬個人意見及感受，並不代表該品牌/醫療機構之言論及立場。 如從而引起任何損失或法律糾紛，本人概不負責。 如有產品試用及工作坊邀請，歡迎聯絡我，Thank you! Email: angel05060825@hotmail.com