親子家庭式酒店！ 兒童遊樂場x游泳池x健身室x自助早餐 高級套房69平方米，空間寬敞！夠光猛乾淨！ 城景仲好靚！視野廣闊～好舒服！ 房內有浴缸、洗乾衣機、微波爐、電子爐，好似係屋企咁！仲可以提供BB木床～ 地點好方便，就係地鐵Chit Lom 站、四面佛、大型購物商場Centralworld附近！ 影片分享 香港機場25號同51號閘口有兒童遊樂場，上飛機前可以放一放電！ 曼谷親子自由行套票 睇返過咗暑假之後價格好優惠呀！我哋係暑假去所以價格比較高少少～ 國泰航空兒童餐，西炒飯、薯仔沙律，餐包、曲奇餅、黑加侖子汁⋯ 老公特別預訂嘅印度餐，個咖喱飯估唔到又幾好食喎！薄餅同乳酪就一般般啦！ *特別餐好處係早過其他人派餐㗎！ 我食嘅恆常飛機餐雞肉飯，同平常一樣一般般～最好食係Häagen-Dazs雪糕！ 食完野就瞓覺，三個鐘機程話咁易就過～ 落咗機之後過海關，記得最右手邊有個特快通道㗎！帶住小朋友、懷孕、老人家、行動不便都可以行嗰邊！嗰邊冇人架！超快幾分鐘過關拎埋行李～ 跟住即刻call車去酒店！用Grab app 超級方便！司機可以用訊息同你溝通，仲會自動翻譯成中文！ 大約10分鐘就成功上車啦！車費535泰銖，明碼實價唔怕俾人呃！我哋行高速公路，所以另外再比多75泰銖路費！我哋嚟緊嘅行程都係用Grab call車！現場直接比現金，方便易用～ *其實車費應該再平少少！話說行程第三日先發現，原來老公一直call咗七人車⋯車費會比細車高！其實我哋兩大一細call架細車就得啦～ 冇塞車情況下，大約用咗一個鐘左右車程嚟到酒店！ 洒店14:00CHECK IN,12:00 CHECK OUT 我哋安排係高層45樓，一開門口！嘩～一聲！間房超級大啊！景觀開揚，夠晒光猛！ 獨立客廳，有廚房電磁爐、有洗衣乾衣機（包洗衣粉）、微波爐、雪櫃等⋯ *我哋每日都喺度洗衫勁方便！ 浴室都好大呀！有企缸同浴缸，感覺都乾淨！ 馬桶都比較矮，小朋友90 cm左右到自己去到廁所！ 一般浴室用品都齊全！ 浴缸好大呀！小朋友可以玩水好開心～ 房間同浴室、客廳相連～空間感好大！ 問過酒店原來冇床欄提供⋯但有木製嬰兒床提供！ 非常好，小朋友可以自己訓～ 非常舒適，有家嘅感覺！ 酒店有免費兒童遊樂場提供！ 呢度有瓦遮頭不過係室外地方，雖然冇冷氣，但係又唔係好熱喎！ 小朋友可以攀爬放下電～ 隔離仲有個室內遊戲室！ 有玩具、公仔、幼兒設施等～ 有健身設施，酒店仲有spa架！不過我哋冇做～ 氣墊球同足球機～ 戶外泳池～有渡假風味～ 免費提供浮板 有兒童池，小朋友都啱玩！ 每日嘅自助早餐都係M層餐廳呢度食！ 早餐麵包、粟米片～仲有熱牛奶！小朋友啱晒～ 泰式糕點！特別推介白色嗰舊椰汁椰青糕，超級清甜爽口！每次都要食5、6舊！ 除左一般西式早餐、日式早餐、仲有泰式款式選擇！食物種類都多，味道不錯！ 有BB椅、餐具提供～ *自助早餐四歲以上需收費 呢間親子酒店我哋好滿意！超級推薦比大家～ ———————————— **Grande Centre Point Hotel Ratchadamri** ～曼谷拉查丹利中心酒店～ 地址：153/2 Soi Mahatlekluang 1, Ratchadamri Road, Lumpini, Pathumwan, 暹羅, 曼谷, 泰國, 10330 參考行程： Day 1：BBK機場>Grande Centre Point Hotel Ratchadamri>Central World Playmondo>The pizza Company ———————————— Follow 埋 IG:https://www.instagram.com/chochomamami/ 100個＋親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #3y11M #全職媽媽 #親子 #下雨天 #自由行 #parentalblogger #hkblogger #好去處 #放電 #室內遊樂場 #親子好去處 #曼谷親子遊