初生bb嘅頭一個月，不外乎 食訓屙。有過照顧軒軒嘅經驗，今次係照顧晞晞上都 應付得好好多。     細佬番到黎屋企後，我都係全埋身，除左我去醫院覆診外要俾佢食樽。埋身每大約兩個鐘一次，不過佢都試過有時可以成三個中後先食     小便基本上一餐一條濕片，大便日日都有。 初頭十零日倒，佢都會半夜屙屎，慢慢到二十幾日大左右，就變左係下午同夜晚屙，唔需要再半夜幫佢換屎片     訓個方面， 每次食完奶之後都會瞓一陣， 瞓幾耐就唔定， 當然有時瞓瞓下都會無啦啦喊， 再哄就會瞓返， 如果唔訓返就多數都係要夠鐘食奶，半夜都係。     可惜好景不常， 細佬係27日大入咗院     黃疸同體重方面： 出世時有3.165 kg 出院後返健康院黃疸有200， 體重仲喺收水階段3.1 kg 過多四日再返健康院， 黃疸148， 醫生話可以等滿月先再返去檢查啦， 體重亦收水完成，增左磅添有3.235kg 第26日人仔， 因為入咗院嘅關係有得磅重， 已經有4.1 kg 全人奶               至於我嘅坐月， 相信如果有二寶或以上嘅媽媽都會有同感， 就係根本冇坐月呢回事 搞掂完個細嘅， 仲有個大嘅等緊您陪佢， 而且又一早trouble two緊， 簡直每刻都挑戰緊媽媽嘅eq 而且仲要處理佢呷醋嘅情緒問題。 所以絕對唔會有休息呢兩個字， 除非兩個同一時間一齊瞓曬覺     至於飲食方面， 都冇時間預備薑醋（ 唯有遲啲買現成嘅黎食）。 不過我都有預備炒米茶， 食過一兩次 薑炒飯， 差唔多餐餐都有菜心， 間唔中煮雞食。     沖涼就每晚keep住用薑水沖， 頭都用 薑水 洗過兩次， 每晚臨瞓前用爽身粉爽下個頭， so far爽身粉都算幾有用。     當然大家千祈唔好學我， 記得盡量做足到嘅都做足返坐月要做嘅嘢                 產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily