琴晚出街食韓國野，個韓式手抓飯成$100大元未加一，雖然好好味但價錢真係???? 今日就自己動手整個手抓飯，材料超簡單做法亦超容易，仲可以整個低鹽版俾小肥食。呢個細路自動食兩碗，平時食飯叫佢食半碗都好似想劏左佢咁！ 韓式手抓飯 材料： 白飯 1碗（珍珠米比較好） 紫菜 6-8塊 （即食海鹽紫菜） 蟹柳 3條 青瓜 半條 （細條日本青瓜) 芝麻 適量 麻油 適量 鹽 適量 做法： 1. 先將米煮熟成飯，完成後打開飯煲放涼5分鐘。 2. 煮飯期間將蟹柳、青瓜、紫菜砌碎備用。 3. 飯放入碗中，將切碎紫菜圍飯邊，蟹柳及青瓜放飯上面，加入適量芝麻、麻油及鹽，最後用手撈飯即成。 Ps: 一般韓式即食紫菜已含有鹽分，幼兒版本可以不加鹽。另外麻油及芝麻是韓式食品必用，缺少了就沒有韓風囉！ 以上純屬個人觀點及意見，僅供參考。 產品試用/合作，歡迎聯絡: koenplanet@gmail.com 更多小肥趣事: Facebook  IG  小肥媽個人網誌