必須用神級形容《 媽媽買綠豆》呢本書，基本上我認識嘅小朋友對呢本書都係非常著迷，可以重覆睇n 次。 故事非常簡單，係講阿寶同媽媽去買綠豆的經過，並細膩繪畫出母子之情。文字好少，但繪圖顏色相當豐富，吸引小孩一讀再讀。家長除咗陪讀書內嘅文字，並可利用書中豐富嘅圖畫引導小朋友觀察，並討論相關問題 例如：「雜貨店除咗綠豆，仲可買什麼?」「綠豆沙太多食唔晒，可以點做? 不用浪費食物」「 阿寶食完綠豆沙，幫媽媽做了什麼家務?」...... 呢本書嘅魔力係大人唔明白，朋友嘅大細b睇到本書爛咗，都會要求修補返繼續睇。由於故事簡單，好容易明白，揚細佬而家會摞本書出來，講返比我地聽。同埋，又可試下一齊種綠豆，讓小孩子們明白植物嘅生長，係一個不錯嘅親子活動~ 如果鐘意我嘅分享，請讚好《揚揚媽媽‧育兒日誌》Facebook專頁 https://www.facebook.com/yeungyeungmama/