慶祝呀仔生日，特別安排咗2日1夜行程，住過酒店就好似去咗旅行～超開心！ 我哋揀咗企鵝主題房間，色彩繽紛～啱晒小朋友啦！遊戲室嘅電動車呀仔好鍾意玩，另外仲有波波池、玩具、角色扮演～ 酒店大堂同餐廳設計到好似火車站咁～ 地點方便行去V city 5分鐘咋！ 屯門係我娘家，梗係要搵埋婆婆同表哥一齊去玩啦！出發～ 屯門西鐵站F1出口，一出轉左就見到一隻大企鵝啦！ 一路沿住左手邊行，大約3分鐘就到酒店！非常方便 酒店門口有隻企鵝仔車長迎接你～小朋友勁興奮！ 升降機設計到成個車廂咁！非常特別～ 先上2樓酒店大堂，舊有火車站設計，好得意！ 14:00 check in,需要比$500按金 呢架火車原來會行走㗎！會不定時開車～ 小朋友望吓望吓突然開車，勁開心！ 仲有火車展覽睇～ 升降機側邊見到超級巨型大企鵝！哈哈 共有13層，2樓係酒店大堂同餐廳，5樓喺兒童遊樂場，有游泳池但係年尾先啟用 我哋住嘅係7樓中層，全場都係以企鵝為主題嘅房間 有兒童拖鞋 不過個房景就差啲，對住隔離棟樓牆壁 有企缸，不過門下面個防水膠就差啲，沖完涼之後出邊流晒水濕晒⋯ 廁所都夠闊落～ 沐浴用品、個人護理用品都齊全！ 不過有樣嘢好得意！廁所嘅插頭唔係三個插頭？ 唯有走出去床邊吹頭⋯ 食生日蛋糕同收禮物！超開心啦～ 全部都係企鵝，色彩繽紛！到處都可以打卡！ 我哋將兩張雙人床拼埋一齊～ 大家一齊訓覺，小朋友好興奮，哈哈！ 加油呀⋯好快到100 cm！ 升降機大堂有大大個企鵝仔！打卡好靚呀～ 落5樓遊戲室玩下先！ 有半價！平日玩$75/1小時，1小時已經足夠小朋友玩～ *酒店住客、餐廳食客(消費滿HK$200)及水療中心客人可享5折優惠 營業時間 星期一至日: 上午9時至中午12時及下午1時至晚上9時 電動車車場！ 好好玩呀，小朋友學下揸車！ 呀仔已經揸得好自如！ 多款跑車、電單車、露營車⋯ 仲有有幼兒嘅冇電動小汽車 仲有得玩角色扮演！消防員、飛機師、警察、醫生、太空人等⋯ 太空人超搞笑！ 另一邊有少量玩具玩，積木、車場、波波池等⋯ *遊戲室冷氣比較大，記得帶外套！ 玩到人有三急，遊樂場出邊轉右就有洗手間！有換片枱，另外設計都幾特別～有非洲草原感覺！ *此優惠到8月30號已經完結啦！ 本身晚餐我地想係酒店食自助晚餐，但係full晒⋯ 酒店房我哋喺出發前一星期訂嘅，張優惠單張係我哋去到嗰日先見到，所以冇預早訂定啊！冇諗過住喺度嘅房客都冇機會食⋯ 唔緊要行去V city 5分鐘就到！商場都有好多餐廳可以選擇～唔使驚冇嘢食！ 咁啱呢個位置見到日落喎！大大個鹹蛋黃超靚！ 返嚟嘅時候行埋左邊入口，有㗎巨型火車㗎！ 哈哈！影返張相留念先～ 我地訂房包嘅自助早餐，餐廳入面有火車廂設計嘅座位，只有幾張枱，想坐嘅睇吓有冇機會啦！ 餐廳都係以火車主題設計嘅裝飾～ 早餐食物款式不算太多，有粥、饅頭、粟米片、凍牛奶、果汁、麵包、炒麵、炒蛋、薯餅、沙律、水果等⋯ 難得嘅兩日一夜三代同堂～小朋友話下次要再嚟過！哈哈～ 酒店設有免費接駁巴士，可以到迪士尼同機場！ 其實屯門都有好多景點玩㗎！行10分鐘左右就到屯門公園玩新嘅遊樂場、三聖邨食海鮮、屯門市廣場shopping、黃金海岸游水等～ 我喺Agoda訂㗎～嗰日係平日，住嘅4人大房9百幾蚊包自助早餐，我見最平二百幾蚊有細房唔包早餐喇！ Agoda看房價 *悅品度假酒店．屯門* 香港屯門建豐街 4 號 https://m.facebook.com/hotelcoziresort/ ———————————— Follow 埋 IG:https://www.instagram.com/chochomamami/ 100個＋親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #4Y #全職媽媽 #親子 #下雨天 #自由行 #parentalblogger #hkblogger #好去處 #放電 #室內遊樂場 #親子好去處 #親子遊 #親子酒店