未去Kidzania之前，先睇吓我哋食咗咩午餐！ 我哋行咗去central world ，Mo Mo Paradise打邊爐（冇記錯應該係7樓），之前諗住去食晚餐點知滿座⋯今日午餐黎得幾台客咋！ 蔬菜沙律任食，款式唔算好多 汽水任飲 有兒童餐具係Hello Kitty⋯哈哈 有白飯同烏冬，小朋友都有嘢啱食！ 呢度最出色嘅係啲牛肉！超柔嫩～好淋！有牛肉味～點埋佢啲醬汁勁好食！連小朋友都搶着食 仲有飯後甜品送！芒果士多啤梨新地雪糕～好有牛奶味！正 小朋友冇收錢，兩位大人任飲任食3036泰銖 以下餐牌給你們參考～呢間幾好食推介俾大家～ 食飽飽我哋出發去Kidzania玩啦! 由central world行過嚟，大約10分鐘左右，就係SiamParagon商場5樓！ 曼谷親子遊-70幾種角色扮演．Kidzania 小朋友玩足全日都玩唔晒！扮唔同職業工作自己搵錢，搵到錢仲可以換禮物㗎！都幾得意~ 呀仔扮左消防員、入油員、工地工人、雪糕車⋯四個職業咋⋯跟住就話要走⋯ 可能場地比較偏暗，英文佢又唔識聽！家長只可以喺外面等冇得陪同～ 在場見到小學生年紀嘅小朋友玩得比較盡興啊！ 裝修設計好特別，好似去咗機場咁！ 影片分享 我哋預先喺Klook訂飛，比現場買平好多㗎！到場出事電子code就得啦！ 一大一細$365，七歲以下需要家長陪同入場！ 雖然小朋友未夠四歲，不過如果買三歲以下幼兒飛有部份職業冇得玩嘅，所以我哋買咗小童飛就包晒所有職業啦！ Klook訂票 帶上手帶就出發喇！ 一入去就見到有小朋友攀爬緊屋嘅外牆！勁！ 我哋第一個玩嘅職業就係呢個工地，小朋友要幫手搵啲貨物落嚟！ 咁就賺咗$10啦！自己搵錢勁開心～哈哈 跟住去做消防員！當日我哋係平日嚟嘅都唔算多人，大部份職業排第二轉就有得玩啦！ 消防員好好玩！有得坐消防車出動～ 幫手熄滅火警～ 消防員好嘢！ 見到車就發光！但係入去做入油員咋～冇得揸車～ 隔離有汽車維修員 仲有得學揸車添！ 仲有音樂隊出場！後面有架露天旅遊巴跟住㗎 環境模擬夜晚景色，比較昏暗～入面有小食同餐廳！肚餓都唔怕～因為一入場就冇得出返去㗎啦！出咗去就唔可以再次進場～ 唉，俾支色彩繽紛嘅波板糖迷惑着⋯ 仲有便利店、醫院、警署、銀行⋯好多好多職業！呢度就好似一個小城鎮咁！ 最後玩埋Wel-B雪糕車,頭先賺到嘅錢而家有用啦！ 呢個比十蚊就可以玩～小朋友話要請媽咪食雪糕！ 自己自製一杯生果乾雪糕～ 媽咪心都甜埋～辛苦你努力搵錢！哈哈 你睇佢幾開心！好有滿足感～ 上去第二層見到好多製作工場，呢度可以整牛奶～可惜夠鐘唔夠時間玩！ 因為我哋兩點幾先嚟到，遊樂場五點就關門！ 所以好快就夠鐘啦～諗住最後去整埋支茄汁醬都冇得整啦～ 睇吓夠唔夠錢換禮物先⋯最少$40先換到水樽扣⋯哈哈！我哋玩左四個職業得20幾蚊咋～頭先又用咗$10買雪糕～ 小朋友要自己入去買嘢架！自己辛苦搵到嘅錢自己決定點洗～ 角色扮演好啱小朋友玩！個人覺得小學年紀比較適合玩！小朋友唔使成舊雲咁！哈哈～ Kidzania Bangkok 開放時間： 週一至週五：10:00 AM – 5:00 PM 週六、週日：10:30 AM – 8:30 PM 地址：5/F, Siam Paragon Shopping Complex, 991 Rama I Rd., Patumwan, Bangkok 10330 https://www.facebook.com/KidZaniaBangkok/ 參考行程： Day3:酒店游水>central world Mo Mo Paradise打邊爐>趣志尼亞兒童樂園kidzania>親子按摩sooksabaispa> 洒店Ratchadamri ———————————— Follow 埋 IG:https://www.instagram.com/chochomamami/ 100個＋親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #3y11M #全職媽媽 #親子 #下雨天 #自由行 #parentalblogger #hkblogger #好去處 #放電 #室內遊樂場 #親子好去處 #曼谷親子遊 #klook