好可愛嘅孔雀設計啊！ 原來孔雀媽媽同BB遊樂場唔使預約㗎！ 直接上7樓就可以玩！仲有瓦遮頭，一啲都唔晒仲可以遮雨～呢個位置仲好好風添！ 出邊仲有個草地可以周圍跑～ ！！應該冇咩人知唔使預約，唔多小朋友啊！！ 隔離孔雀爸爸遊樂場就要預約啦～ *不過原來五歲以上小朋友先可以玩架！ 玩完行吓商場，又大又靚！好多打卡位～ 搭電梯或者搭lift 直上7樓Bohemian Garden 今天天氣非常好啊！ 孔雀爸爸非常矚目！ 影片分享 通過鳥籠樓梯，爬上孔雀爸爸背部！ 六米高旋轉滑梯！最後大家都唔敢sir 㗎⋯都唔知點解？泰國嗰啲滑梯仲高啦！都唔驚仲玩得勁開心～哈哈 真係好高㗎！ 扮吓sir咗先⋯ 孔雀尾部位置仲有其他攀爬設施 一條條柱，原來係巨型串珠啊！ 考平衡力嘅單跳板～ 其實場內有好多設施都啱一大班小朋友同時玩，要預約先玩得真係浪費左！而且每場最多只可以三個人進場玩⋯可惜啊！ 適合五歲或以上小朋友～ 開放時間：12:00-18:00 需要預先預約㗎！每節玩20分鐘，雖然見啲預約full晒，但係呢一場得我一個小朋友，其他人冇黎到？ 文章最後有分享點樣預約～ 我哋行前少少，玩埋孔雀媽媽同孔雀BB嘅公園先！ 呢個唔使預約㗎！直接入去玩就得！免費 係孔雀媽媽肚入邊爬入去， 有個小滑梯～ 側邊有幾隻孔雀BB，原來可以踏孔雀BB身上，再攀爬到孔雀媽媽背上！孔雀媽媽身體上有一塊塊嘅攀爬板設計架！ *其實整個設計，令我諗起愉景新城鯨魚公園裏面隻鯨魚！哈哈，好似呀～ 呢個水循環設計，仲未開放啊！ 遲啲可以玩埋水添～ 最正呢度係有瓦遮頭㗎！超爽！ 唔使再曬住玩！可以遮陽檔雨～呢個位當日仲好好風添！ 適合2至8歲小朋友玩！ 仲有一個大草地！小朋友可以放任地奔跑！ 周圍都可以坐，當日見到比較多年輕人同上班人士～小朋友得兩三個！ 有一個小花園！ 如何預約呢？ 只需要下載K11 HK APP,簡單登記做會員後，按精彩活動更多按鈕。 選擇孔雀家族，按立即預訂。 *每場只可以容許三人進場玩，原因孔雀爸爸背部比較高有危險性，同埋好細！最多只可以容納到三人。 *適合五歲以上小朋友玩，太細個真係唔啱玩架！ 選擇日期、時間、人數～ 成功預約後，會收到確認電郵～ 到場後出示QR code俾職員登記便可～ 玩完公園入返去商場嘆冷氣，參觀下～ 有個草地、鞦韆～都好啱小朋友玩！哈哈 周圍都係打卡位！ 呢度仲有個小山丘，比小朋友玩～家長可以休息！ 後面間糖果屋、冬甩，原來係兒童髮型屋！ 裝修超靚～ 呢度有間學校，有學前班報讀～ 嘩！好多嘢玩啊～ 仲有就係Donut Playhouse~一場嚟到K11 MUSEA，梗係要預約埋一齊玩啦！稍後分享啊～ 呢度又大又乾淨！有親子洗手間㗎！仲有育嬰室！帶住小朋友超方便！都好親子嘅商場～ 當日係平日，商場人流唔算多！冇咩遊客～ 玩得好開心又行得舒服！ *K11 MUSEA* 尖東站J出口即達，洲際酒店隔離 https://www.facebook.com/K11MUSEA/ ———————————— Follow 埋 IG:https://www.instagram.com/chochomamami/ 100個＋親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #4Y #全職媽媽 #親子 #下雨天 #尖沙咀 #parentalblogger #hkblogger #好去處 #放電 #室內遊樂場 #親子好去處 #親子遊