上篇講到影完面試相， 之後就可以留意心儀學校嘅網頁， 睇下幾時有表格下載或者有表格拎， 大約係8月尾， 我自己都已經 print 咗幾間學校嘅表格出嚟。     去交表之前 都要留意番收表格日期 我自己會用一個萬字夾夾住成份文件然後先去交， 當中入面一定包括： 表格一張 出世紙副本 針卡副本（ 正面同背面） 已貼上郵票同寫上郵寄地址嘅回郵信封（ 信封一定係長形， 睇返嗰間學校需要畀幾多個） 有啲學校可能會 額外 再要幾張小朋友嘅 學生相（ 唔計貼咗係表格嗰張）   出世紙同針卡我係影印左 一疊喺屋企， 長型嘅信封都起碼要買兩疊先夠， 仲要買大量＄2郵票。     去交表格嘅時候我會帶埋出世紙同 針卡 嘅正本， 之前我都會打去嗰間學校問清楚幾點可以嚟交表格， 如果喺網頁上面冇寫明嘅話。         其次最緊要就係申請政府嘅幼稚園入學註冊證， 要喺每年9月至11月期間遞交表格申請， 去郵局問職員拎表格， 或者網上下載， 份表格都好簡單好小野填， 而且有埋sample畀你跟住填， 咁就一定唔會填錯 填完表格連埋出世紙副本， 父母其中一個嘅身份證副本， 就可以拎去郵寄。 如果嗰邊收到呢份文件就會send番個訊息畀我哋， 話處理緊申請。         搞掂埋呢兩樣之後， 跟住就係等11月開始interview嚕～               產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily