出去食飯，都會有人話Noah好乖，點解可以坐定定 唔會周圍走，唔會扭計。 老實說，去飲時！我仔仔真係可以由頭坐到落尾 令到我可以好舒服地食飯 其實所有野，都係由小開始做起～ 有D人話個BB唔鍾意扣安全帶呀，坐唔定 而我一開始由佢未識坐時就俾佢訓上去，一定要扣安全帶 除左因為安全理由，仲有個原因就係要佢習慣扣上安全帶 到真正識坐既時侯，開始食固，當然我都必定要佢扣上安全帶啦！ 張椅除左食野，有時侯我都會抱佢上去俾佢坐住係到玩、睇書 令到佢覺得坐係呢D BB椅到唔會覺得好悶...好似被困 大大下，識得反抗啦！Noah亦都試過唔願坐，唔願意扣安全帶 但係呢一刻，做家長既你就要狠心 只要佢唔坐定，唔扣上安全帶就無得食飯！ 不停重覆，小朋友就會清楚媽媽要求 (留意，使用5點式安全帶比較好) ＊我自己個人係十分不 贊成邊食飯，邊睇電視、電子產品、用玩具哄小朋友 因為你試過1,2次小朋友就會對你要求有下1次 如果你比了...對於我黎講：媽媽你就輸了 若果你話佢唔食野喎！？唔比唔得啦！ Noah都唔係特別鍾意食野既小朋友，我從不勉強 到到Noah差不多1歲時，已經慢慢食得愈黎愈好 現在3歲比起以前食野都多左好多，變得鍾意食野 所以唔洗迫你地既小朋友食野。 街外食飯方面，有時侯去到酒樓，小朋友都會覺得好吸引 「嘩！有魚呀！！！有蝦呀！！！！」 睇係無問題，但我會係入坐時或離開時去睇 並非以下情況帶佢去睇： １）入坐後坐定左，又帶佢出去睇 ２）小朋友食飯後悶帶佢出去睇 ３）大家食飯後傾計時，出去睇 原因：  １）讓小朋友知道坐左係到，就要坐定定，唔可以周圍走 ２）小朋友食完飯，唔等於其他人食完飯要有禮貌 ３）大家飯後傾計聊天，都係食飯時一種活動同尊重 如果小朋友真係覺得飯前飯後悶，可以帶書、畫筆畫簿或時自己同小朋友傾計，玩 （我個人唔會比電子產品小朋友睇，所以都不建議比佢玩） 最後，自己小朋友自己教。培養到良好習慣對日後絕對係一件好事 適當既嚴勵，並唔係一件壞事    ＊以上為本人自己教小朋友方式，只提供參考 ===================== 歡迎試用產品 出席活動 投稿 廣告 親子育兒。旅遊。寵物。打扮 購物狂媽媽與Noah·Deron Facebook: http://www.facebook.com/A.ShopaholicMama/ Instagram: http://www.instagram.com/kayibobo Blog: http://ashopaholicmama.blogspot.com/ MamiBuy: https://mamibuy.com.hk/home/18396/