上星期，好高興獲邀參與《Pre-mo》溫馨掛飾工作坊。 平時好少做小手工，除咗幫對仔女做學校親子手作之外，而今次嘅工作坊，係為肚入面嘅新成員 ，親手製作一份禮物，「Welcome My Baby」掛飾。 導師準備咗各種嘅乾花、永生花、葉，我自己本身都好喜歡花，見到咁多種類，未開始整已經好期待。 設計、配色、襯花，原來都好講技巧，加上第一次用花來做材料，真係唔知點整先靚。好在有導師比吓意見，教我配搭。同場，仲同幾位孕媽咪邊整邊交流，好開心呀！ 原來今年係《Pre-mo》十一週年喇，佢哋仲預備生日蛋糕，同大家分享呢個歡樂。最後仲有禮物收添。再次多謝《Pre-mo》，同埋 ONE.DAYSTUDIO 嘅細心導師 Hailey。