20190904      軒軒呢日兩歲要返去健康院做語言發展評估， 因為歲半嗰時姑娘話要佢學識講動詞加名詞， 但由於嗰時佢未識， 所以就叫咗佢兩歲返嚟再評估。 至於細佬就返嚟滿月打針。     先講軒軒： 本身諗住番黎可以知道佢有幾重， 點知原來佢係冇得磅重     入房見姑娘，姑娘主要都係問番我地佢識講啲乜，其實佢識講嘅野我地覺得都唔小，但姑娘話佢都只係講 疊字，未太識講動詞加名詞，例如：食-飯，坐-車，同埋要唔係跟我地口水尾去講先得， 所以兩歲半要再返去； 跟住姑娘拎本圖畫書出嚟， 問下佢有冇牙刷， 有冇杯等等..... 呢方面軒軒好叻全部指到曬出嚟 軒軒呢part就完成左啦。         輪到晞晞： 除曬所有衫除埋尿片磅重：4.045kg 全人奶 bb， 生長線25％     跟住入房見姑娘都係問返日常食幾多餐奶， 小便次數， 再畀啲書仔我哋拎返屋企睇。 姑娘會幫佢睇下打卡介苗個位 同埋肚臍。 因為細佬前幾日先入院 醫生話心臟有雜音， 所以姑娘都安排我哋見一見健康院個醫生。 好彩呢個醫生都話聽唔到有雜音。 最後就係打針環節， 一個月只需要打一支乙型肝炎第二針， 呢支針好溫和打完應該唔會發燒， 所以姑娘都唔會開退燒藥。 細佬都算好叻，只係拮入去嗰時喊咗一下， 離開房已經收聲啦同哥哥一樣叻叻仔 最後幫佢哋兩兄弟約埋期就走得嚕～     要讚一讚今次健康院知道佢哋係兩兄弟， 同一時間安排一位姑娘睇曬佢哋兩個， 咁我哋就唔使完咗一個又要出去再等另一個叫名入去             產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily