用奶瓶餵奶最怕多風脹住BB個肚，同埋怕奶嘴同媽媽乳頭混淆，或者出奶太快易濁親。今次唔該曬冬薑妹妹幫手試用Bfree FREEDOM第三代防脹氣奶瓶，測試一下Bfree®獨家專利嘅iComfort™防脹氣導流系統。     外型 Bfree 防脹氣奶瓶嘅外型cute cute 地，屬於輕巧窈窕型，微微A字型直身冇「腰」嘅，易拎唔跣手。樽口好闊，有5cm，沖奶粉唔怕啲奶粉痴曬喺邊邊，由儲奶樽倒入去亦都唔怕手殘倒瀉。   拆洗消毒 有6件組件，有樽蓋、奶嘴、螺紋蓋、瓶身、硅膠通氣閥門、底座，對於我黎講唔算複雜。要提提底座上面嘅硅膠組件（通氣閥門）有一個凸起嘅位畀你拉，所以都好易拆。無論大定細嘅防脹氣奶瓶配件都係一模一樣嘅，放心撈埋黎用。   所有組件都冇難洗形狀如長型管狀，除咗硅膠導氣閥凸起位置比較難觸及，我嘅大細奶樽刷都洗到曬啲窿窿罅罅。奶嘴同通氣閥門係硅膠（又叫矽膠），其他都係PPEU ，不含BPA，可以放心用UV或蒸氣消毒。     組裝 Bfree呢款防脹氣奶瓶嘅組裝好簡單，識拆就識裝，不過記得將硅膠組件（通氣閥門）同底座壓實，同埋要擰實個瓶身同底座，唔係漏就弊喇，尤其人奶，倒瀉好傷心。我第一次唔知係冇壓實塊硅膠組件定擰唔實樽身，睇住啲奶奶漏出嚟，手忙腳亂，要拿拿臨開蓋倒返啲奶入儲奶樽，拆返開奶樽底座重裝一次。     另外說明書有提要撳下個導氣閥（即係硅膠組件上面尖出黎嗰個位，嗰度有個窿畀啲空氣入去）睇下係咪可以正常張開。     仿母乳奶嘴 Bfree Freedom專用奶咀是仿真母乳質感，分以下4款不同流速配合不同成長階段需要： Stage 1 0m+ 慢速 Stage 2 3m+ 中速 Stage 3 6m+ 快速 Stage 4 6m+ 快速Y孔   Bfree 防脹氣奶瓶原裝跟嘅奶嘴係Stage1，屬於慢速，初生適用，45度角倒轉個樽擺，啲奶係唔會漏，飲到最尾再試都冇漏，絕對唔怕初生bb會因為出奶太快濁親。飲到最尾垂直倒轉先會一滴一滴咁漏。   冬薑就快四個月其實應該可以用Bfree 嘅Stage2 3m+防脹氣奶瓶 ，不過埋身B用開力都啜到，唔使十分鐘就食曬。Amazing嘅地方係，冬薑冇因爲埋開身而抗拒，完全唔覺得同今餐有咩唔同，證明個奶嘴真係做到仿母乳親餵！   防脹氣效果 餵奶過程中，見到有氣泡由奶嘴浮上面再慢慢消失，泡泡好細點亦唔算多。冬薑試奶樽之前肚仔餓有喊過幾聲，本身應該有少少風喺胃仔，呢餐飲咗150ml，中間有停過但佢唔畀我掃風，食完奶掃咗陣風就便便，換完片再掃風掃咗兩三下就Gur曬啲氣出黎。之後全日都冇嘔奶，之後嘅便便竟然完全冇好似平時咁放住屁屙。   冬薑試樽係用即泵母乳，如果沖奶粉，要先落凍水再落熱水至建議約37度, 太高溫會影響奶粉中的營養,亦影響iComfort 系統的發揮㗎(・ω・)ノ 總結 ➊ 奶瓶做到防脹氣又易拆易洗 ➋ 奶嘴做到仿母乳親餵，泵出黎都唔怕埋唔返身 ➌ 樽身同底座拆得開，有漏奶風險   價錢 160ml $108 （原價$128） 260ml $125 （原價$148） 330ml $142 （原價$168）   網址 Bfree Facebook: https://www.facebook.com/bfreehongkong/ Bfree website: http://www.bebedream.com.hk/bfree     冬甩冬薑媽媽—全職奴婢，照顧一家七口兩大兩小三隻貓，昔日無飯太太現自居合格廚娘。兩位寶貝女分別係：冬甩姐——四個月大時由全泵轉全埋身的樂天馬騮，冬薑妹——以逾4公斤重磅登場的感性吃貨紅髮胖胖豬妹子   想知更多冬甩冬薑的日常趣事，歡迎 follow 【小貓奴冬甩冬薑】 IG 和 FB 喔！ www.instagram.com/gingerdonutandcats | www.facebook.com/gingerdonutandcats