較早之前，我講過8月同9月係我去產前講座嘅最後衝刺，今次繼續分享。 因為剛巧 Illuma 及雅培是同一天舉行講座，所以便一天走兩場。 上午先去「Illumam Community Keep Calm and Celebrate 孕婦講座」，呢個講座要收到 SMS 先報到，無得上網公開報名的，所以，登記成為 Illuma 會員嘅媽咪，記得留意 SMS 信息。 Illuma 講座亦算搶手，上月我收到 SMS 後的兩天才報，已經滿額了。所以，9月我特別留意信息，一收到報名邀請，便立即回覆。講座分3場，每個月只有一天，大約於月中舉行，報名 SMS 大約會於月頭收到。 早上，到達後先確認資料，然後在佈景版前拍紀念照，上載到 Instagram 及做好 hashtag 後，會即場把照片印出來，不錯呢！( 老公睇到照片先知佢當時攞住咁多野 ) 講座開始，先由營養師講講營養資訊，接著由催乳師教授餵哺知識，包括姿勢、方法及乳房按摩等，摧乳師會用BB公仔作餵哺姿勢示範，比起淨用圖片更為清晰。孕媽咪亦可以用枱上BB公仔作模仿練習。 理論講座大約45分鐘，接著跟籌號，分批到另一間房，進行一對一營養師諮詢。營養師會分析準媽咪現時飲食習慣，作出建議。 同場，有 Illumama 媽媽奶粉試飲，即場購買孕婦營養補充品亦有優惠價同贈品。 提提大家，日後成功報名嘅媽咪，可以早少少到達會場，除了要排隊影相之外，亦可以攞早少少嘅籌做營養諮詢，另外要用多點時間填幾張表格，完成晒就可以得到講座禮物喇。   接住係「雅培產前講座」 雅培講座，跟 Illumama 一樣，有拍照環節，所以又係最好早點到，免得排長龍等候。在場安排攝影師，攝影師仲會教孕媽媽坐側身一點，咁就可以明顯影到個肚肚喇。 首先，是營養師講解，及派孕婦奶粉試飲。接著由物理治療師教授嬰兒按摩。嬰兒按摩有著重要嘅一環，除了幫助BB血液循環，有助身體及肌肉發展外，亦係爸爸媽媽跟BB交流嘅機會，BB會得到更多安全感的。 雅培講座唔算長，講完兩部份就完了，然後就可以去攞番入場前嘅照片。