好耐都無分享淘物啦！ 今日一次過分享呢排淘過既野比大家。   菠蘿包成日都大頭蝦撞到牆， 所以買左個防撞牆貼比佢， 等佢撞到個頭都唔會痛啦！ 而且都只係$10人仔一張， 因為運送遙遠送到黎個陣牆貼有明顯摺痕，一痴左係牆到就好難甩！ 要諗清楚先好貼呀⋯⋯ 傳送門    堅過石堅既圍柵～ 菠蘿包無時停一唔留意佢就會好易整親！ 圍柵真係好重要，但係香港買真係太貴了， 預算有限只可以係淘寶入手！ 菠蘿包媽聽媽媽谷講好多係淘圍柵番黎伏左！ 點解？因為好多都係比bb推掉左個圍柵， 菠蘿包媽都好驚搵左好多間睇比較買家評價先決定買。 我係買馬卡龍款，賣家話比較實淨唔會咁而推掉！ 收柵個陣菠蘿包媽要用d力先拆到。 大力bb應該都推唔掉既！ 傳送門    超驚喜膠櫃桶，係香港既家具鋪都有好多呢d膠櫃桶買， 但菠蘿包媽見到d膠好似好雞咁，d膠軟到比我既感覺開關拉大力d就會一野整爛。重點係貴-.- 橫掂都係下淘一個番黎試下！ 好易安裝，菠蘿包媽等唔切菠蘿包爸放工番黎裝， 所以就手快快自已黎。。   呢個膠櫃桶真係好實淨， 又放到好多衫！成個櫃桶就上貢左比菠蘿包啦！ 上邊二個細櫃桶仔就放雜物同菠蘿包既複診紙！  我買呢隻係30cm 6層叮噹款$3xx人仔（依加做緊特價） 傳送門    而個膠櫃桶上邊二隻可愛狗仔係咩黎呢？ 就係防傾倒神器，防止菠蘿包玩個膠櫃桶個陣而意外地櫃桶倒下扎住菠蘿包。 所以就淘埋呢個番黎，免打釘都係痴牆！ 不過菠蘿包媽都係覺得打針既比痴既更安全！ 但家人唔想打釘就買左痴既！ $29.9人仔一對。 傳送門 好啦！介紹住咁多先！ 下轉淘寶開箱再同大家報告！ ～～～～～～～～～～～～～ 菠蘿包媽係一位全職媽媽blogger～esdlife，mamidaily，mamibuy。 歡迎合作～產品試用～幼兒試食～試用嬰兒用品～試用媽媽用品～交流育兒心得❤️ Email： kayyau@outlook.com