今日想講下做左媽媽之後的變化，生左小Sheryl之後，的確有好多個人的習慣都改變左，唔知您地係咪都好似我咁一樣呢? 1.    長期紮馬尾 原本一直以來都係長頭髮嘅我，其實喺大肚嘅時候已經剪短左D頭髮，而家頭髮只係剛剛過膊，生左BB之後，由於要照顧BB，無論係抱BB同餵奶，如果無紮起頭髮的話，D頭髮都好可能會掂到BB塊面，陪月姨姨都叫我要紮起頭髮，否則頭髮可能會吉到BB隻眼，而且頭髮都好污穢，盡量唔好掂到BB會好D，所以自從生左BB之後，都係長期紮起馬尾來。 2.    唔敢留長指甲 我自己有收埋一套DIY Gel甲套裝，未有BB之前如果有時間，我都會自己在家整下指甲，不過有左BB之後，呢套Gel甲套裝就已經無再出動好耐了，而家都唔知放左去邊度了。而且指甲方面，我每2-3日就會剪短，怕指甲突出來會吉到BB，所以而家我的手指甲永遠都係好短的。 3.    頭2個月都係穿2件頭衫 生左BB之後，因為頭2個月我都有堅持餵人奶，無論係餵奶定係泵奶，好多時都要”啦高”件衫，所以穿一件頭的連身裙就會好唔方便，要”啦高”晒成條裙又怕會凍親下身，所以穿2件頭或者前面開胸嘅衫就方便好多了。 4.    Shopping習慣改變了 我都屬於好喜歡shopping購物果類人，無論係出街Shopping定係Online Shopping我都係狂熱份子，有左BB之後，我買嘅都由買自己野變左買BB野，以往從來唔會睇BB野嘅我，而家出親街都會睇下呢個商場有無嬰兒部先去行，而Online Shopping就變左睇BB衫而唔係睇大人衫了 :P 5.    每日食Supplement 以前我好少會食Supplement，不過自從有左BB之後就開始有食Materna果D，而家生完BB都要補，所以都繼續有食，而且我發現食完之後成日要抱BB條腰周不時都唔係好頂得順，所以額外有食埋鈣片。有時有少少唔舒服有D作病就即刻每日食Vitamin C，因為我係唔可以病架!!  6.    衣飾方面的改變 以往我一向都有戴手鏈的習慣，但因為經常都要抱BB，怕手鏈會”梗”親小Sheryl，所以我就再無戴手鏈了。而衣著方面，果D有突出來的珠仔、珠片果類衫我都無穿了，因為試過有一次直抱小Sheryl時，佢塊面仔撞左落我件衫D珠仔度，整痛佢攪到佢大喊，從此就無再著有突野出來嘅衣服了。   =============================================================== 80後手作媽媽 - Sing Ching  作為一個80後手作人媽媽，自寶寶出世後，對她穿的用的都每天學習研究，務求給寶寶最好的，也很想跟新手媽媽們分享經驗，盡力搜羅實用又靚靚的寶寶衣服和用品，以貼地價錢分享給大家！有興趣媽媽們歡迎Follow以下Facebook Page: https://www.facebook.com/bjbabyhk Follow 我們的Instagram睇更多小Sheryl的生活照啦! https://www.instagram.com/bjbabyhk/ 如有任何邀稿或產品試用，歡迎電郵聯絡: bjacchk@gmail.com