如果下次去開將軍澳，不妨帶小朋友去下位於坑口站的隱世綠洲 - 坑口文曲里公園。   於坑口站B1出口行幾分鐘就到，佔地1.9公頃，雖然不算大，但公園人流不多，逛完附近商場之後帶小朋友來放放電也不錯。 公園以城牆所包圍，以現代中式庭園設計為主題。一入去其實冇咩特別，而且呢度只有小小的長者健體園地，並無任何小朋友遊樂設施。不過如果再往內走的話，會發現有個門口通往公園的另一邊，那兒有個人工池塘，裡面有超多魚及烏龜，亨亨見到超級興奮！ 果度仲有涼亭及人造瀑布，庭園內亦種有很多樹木及植物，環境非常優美。 當然，呢度同香港公園呢類大型公園不能比較，只係如果下次去開附近，又想跟小朋友享受一下寧靜的親子時光，不妨行下呢個鬧市中的隠世公園，跟小朋友看看魚，已經係一個不錯的親子活動。 而坑口除了有多個商場如東港城丶TKO Gateway，仲有坑口體育館的免費室內遊樂場，及超大草地的單車公園，都好值得同小朋友去下。   ============== 四月媽媽手記 Fb: https://facebook.com/april.mamama Instagram:  https://instagram.com/april.mamama Email: aprilhui412@gmail.com