話說上個月一家人去左曼谷玩，係第二次同bb一齊去旅行！以前以為曼谷淨係岩大人去shopping，但原來好多地方都好多bb衫/用品賣！而且仲超級平！大約HKD25-40都買到好靚款嘅bb衫！如果大家將來去曼谷一定要去以下3個地方睇下啲bb衫仔啊！ 1. JJ Market 相信大家對JJ Market都唔陌生，除左好多大人衫，仲有好多好多童裝！而且款式好靚好特別！隨便行都會見到童裝嘅蹤影。 其中一間我非常推薦- Emmia Little Kid！因為啲款好靚又透薄，香港夏天著一流！ ▶ 營業時間：星期六、日 8:00 ~ 18:00左右 2. 水門市場 Platinum Fashion Mall 呢個商場有2層都係專賣童裝！除左普通T shirt，仲會有啲裙仔/ 頭飾/ 甚至好似日本風嘅衫仔都有 3. MBK Center 最後一個推薦嘅地方，都一樣好多童裝賣！款式相對其他兩個地方較好睇，有啲似香港平時買到嘅咁！ 而且仲有海量嘅鞋仔比大家揀！呢到仲會有啲泰國牌子嘅衫仔賣，但所謂嘅「牌子」，其實都係好平，啲款就相對國際化啲，無咁重「泰味」～ 亦都有泰國本地牌子既童裝～ 大家下次去這泰國，大家都可以去呢幾個地方睇下啲童裝啊！ 鍾意我嘅分享可以Like我地Facebook同IG比個支持我！會更快知道我既Update架！ Facebook：https://www.facebook.com/90sMummy/ Instagram: https://www.instagram.com/minarainlo/