話說，生完鋼牙b之後，有時會回想返佢係肚入面個段時間，2個字講完：辛苦 由驗到有左開始，每一日都嘔，每餐甚至每2-3個鐘就嘔，有食野嘔無食野都嘔，一星期輕左7磅 心軟腳軟咁去見婦產科醫生，量一量血壓得8x/4x，醫生問我咁嘔法維持幾耐，我話一星期，我連水都飲唔到，總之一有野落肚就嘔返出黎 醫生見唔對路就即刻開醫生紙叫我入院吊鹽水，吊完一包鹽水醫院比左一袋止嘔丸過我但完全無用，依然日日嘔 每次產檢鋼牙b都係比預期細1-2星期，每日我都迫自己食野然後再嘔返出黎，隔一陣又食過然後又嘔 係懷孕6個月時我足足輕左17磅，踏入7個月時孕吐終於有改善，由每日不停不定時地嘔改善到只係每朝嘔1-2次，隻鋼牙b真係錫我，係孕後期終於肯比我食返d野 總括成個孕期：好辛苦，只要聽到有人話用咩方法可以止嘔我都會試但依然係嘔得好辛苦 辛苦到去唔到babymoon辛苦到影唔到大肚照辛苦到每日只能手軟腳軟訓係床到等時間過 唔知依到有幾多媽咪都會孕吐到依個地步，有同路人的話我比個叻你，我都捱過左你都可以，當你以爲孕吐成咁係世界末日，其實bb出世後先係你不見天日ge開始⋯⋯⋯⋯⋯