有睇開菠蘿包既facebook專頁就會見到菠蘿包d相成日都有二部唔同既bb車出現。 菠蘿包未出世個陣己經買左aprica呢部， 當時無諗咁多，只係諗住菠蘿包坐得舒服就好了！ 第二點就係可以單手收車好方便！ 初頭用落都無咩大問題， 因為都係地鐵出入唔洗收車抬車， 後期就需要搭巴士出入， 菠蘿包爸係到既話問題不大既， 但係得菠蘿包媽單拖菠蘿包出街就出現問題啦！ 菠蘿包越來越重成日腰痛既我就只可以揹到搭巴士， 行街就用唔到揹帶了！要放菠蘿包係bb車先得！ 所以菠蘿包媽第一次帶埋aprica bb車搭巴士。 諗住會好容易搞得掂！ 買個陣諗都無諗到架車收左後係企身， 菠蘿包媽太矮啦！加上揹住菠蘿包好辛苦先抬到上巴士， 放好架車又係一個學問。 綁住左架車都成日掉落地下， 要不停執番架車極度狼狽。 咁岩一田大減價又太多人就無帶菠蘿包去試車下， 買左呢架可以摺得好矮既joie。都係可以單手收車！ 強烈要求咁多位靚媽要帶bb去試坐先好買。 因為無諗過菠蘿包太肥坐呢架車有d迫。 坐得唔係好舒服！ 本身舊個部放係菠蘿包婆婆屋企用， 依加二部都要留番係屋企。。。 一部車係菠蘿包爸一起出去/菠蘿包媽搭地鐵用。 一部車菠蘿包媽單拖搭巴士用。 雖然搭巴士方便左，可以跟埋放係附近唔洗煩掉車問題， 但收左車可以放野既地方近乎零呀。 只係裝到細細既掛車袋放d濕碎野！ 舊車收左車坐位仲可以放到被仔/背包。 但新車就放唔到了！收車前都要收番被仔！ 想買bb車既靚媽真係要諗埋架bb車單拖抬車上巴士易唔易。。 唔好好似菠蘿包媽咁實戰先發現問題。。 ~~~~~~~~~~~~~~~~~~~~~~ 菠蘿包媽係一位全職媽媽blogger～esdlife，mamidaily，mamibuy。歡迎合作～產品試用～幼兒試食～試用嬰兒用品～試用媽媽用品～交流育兒心得❤ Email： kayyau@outlook.com